დაავადებათა კონტროლის ეროვნული ცენტრის ხელმძღვანელის, ამირან გაყრელიძის განცხადებით, ქვეყანაში დამატებითი შეზღუდვების დაწესებაზე საუბარი აღარ მიმდინარეობს.

როგორც მან აღნიშნა, ქვეყანაში ეკონომიკის სრულად ჩაკეტვა არ უნდა მოხდეს.

„პანდემიის გამო, მთელი მსოფლიოს მასშტაბით არის 12-დან 15 ტრილიონამდე ეკონომიკური დანაკარგი. გაჩერებულია ბევრგან ეკონომიკა. გასაგებია, რომ მდიდარი ქვეყნები უძლებენ, მაგრამ ჩვენთან რთულია. ამიტომ, ახლა ჩვენ დანის პირზე მივდივართ. არც ეკონომიკა არ უნდა დავკეტოთ სრულად, როგორც ეს შარშან იყო და გაზაფხულზე კარგად ვმართეთ ყველაფერი და მეორეს მხრივ, ვაქცინაცია უნდა გავააქტიუროთ. ამიტომ, დამატებით შეზღუდვებზე ამ ეტაპზე საუბარი აღარ არის. ერთადერთი მთავარია აღსრულება იმის, რაც არის იყოს მაქსიმალური თვითშეგნება. არ გვინდა 200-კაციანი ქორწილები და სუფრები. იქიდან იწყება ყველაფერი. თავი შევიკავოთ გარკვეული პერიოდის განმავლობაში ასეთი თავშეყრებისგან. ეს არის დიდი თხოვნა ყველასადმი“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

WP: ტრამპმა რესპუბლიკელ დონორებს უთხრა, რომ ვენსი მის მემკვიდრედ სურს

ლაიფციგში დრონის ინციდენტი: უკრაინულ თვითმფრინავს საბრძოლო მასალა გადაჰქონდა

აშშ-ის ფედერალური გამოძიების ბიუროს დირექტორი ჩინეთთან და რუსეთთან უპრეცედენტო კავშირებს ამყარებს

პროკურატურა - სანიტარს, რომელმაც ახალშობილი შვილი მოკლა, 4 წლით პატიმრობა მიესაჯა