გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა გლობალური გარემოსდაცვითი ფონდის (GEF)  მცირე გრანტების პროგრამის ეროვნული სამეთვალყურეო საბჭოს სხდომაში მიიღო მონაწილეობა.

სხდომაზე არასამთავრობო და სათემო ორგანიზაციების მიერ წარდგენილი მცირე საპროექტო იდეები განიხილეს, რომელთა მიზანი თემზე დაფუძნებული ინოვაციური, ინკლუზიური და რეპლიკაციური ინიციატივების მხარდაჭერაა. 

ინიციატივები ხელს შეუწყობს სამოქალაქო საზოგადოებას, მთავრობასა და კერძო სექტორს შორის დიალოგს გარემოსდაცვითი მმართველობის გასაუმჯობესებლად; ასევე, პრაქტიკული გარემოსდაცვითი ცოდნის მიღების ხელმისაწვდომობას და ქალების აქტიურ ჩართვას გარემოსდაცვით საქმიანობაში.

GEF-ის  მცირე გრანტების პროგრამას გაეროს განვითარების პროგრამა (UNDP) და საქართველოს გარემოს დაცვისა და სოფლის მეურნეობის სამინისტრო ერთობლივად ახორციელებენ.

ამ ეტაპისთვის, 72 მცირე საპროექტო განაცხადია წარმოდგენილი. განხილვების შემდეგ, საბჭო გამოავლენს საბოლოო გამარჯვებულ პროექტებს. საგრანტო თანხა, ამ ეტაპზე, 250,000 აშშ დოლარს შეადგენს.

GEF-ის მცირე გრანტების პროგრამა საქართველოში 2012 წლიდან ხორციელდება. ამ ხნის განმავლობაში, 70-ზე მეტი წარმატებული ადგილობრივი პროექტი შესრულდა, ხოლო გაცემული გრანტების ოდენობამ 1.9 მილიონ აშშ დოლარს გადააჭარბა.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს