თბილისის მერიის ქონების მართვის სააგენტოს ხელმძღვანელი  ირაკლი თავართქილაძე გამოეხმაურა თხინვალას მოსახლეობის საპროტესტო გამოსვლებს იმასთან დაკავშირებით, რომ  თითქოს მერიის მიერ გასხვისებულ ტერიტორიაზე, არსებული სტადიონების ადგილზე,  მაღალი საცხოვრებელი კორპუსები უნდა აშენდეს. 

ირაკლი თავართქილაძის განცხადებით, ადგილობრივი მცხოვრებლების ბრალდებებიუსაფუძვლოა და გენერალური გეგმის თანახმად, მაღალი კორპუსების მშენებლობა იქ არ მოხდება.

მისივე თქმით, არანაირი საფრთხე არ ემუქრება დასახლებაში უკვე არსებულ, მუნიციპალიტეტის მიერ მოწყობილ სტადიონსა და ბავშვთა  გასართობ მოედანს. თავართქილაძის განმარტებით, აღნიშნული ტერიტორია  ინდივიდუალური სახლების განაშენიანების მიზნით პრივატიზებულ მიწის ნაკვეთს მხოლოდ ემიჯნება.

„აღსანიშნავია, რომ გარკვეული ჯგუფები მიზანმიმართულად ცდილობენ თბილისის მოსახლეობის შეცდომაში შეყვანას. პირველ რიგში, ხაზგასმით ვამბობ, რომ აღნიშნული ტერიტორია გასხვისდა ინდივიდუალური სახლების განაშენიანების მიზნით. ასევე, აუცილებელი პირობაა, რომ ტერიტორიაზე დამუშავდეს განაშენიანების რეგულირების გეგმა, რომლის ფარგლებშიც მოხდება თანამედროვე სტანდარტების განაშენიანების მოწყობა და შესაბამისი ნებართვების გაცემა. რაც შეეხება სტადიონს, ამ ტერიტორიაზე დღესაც არსებობს მუნიციპალიტეტის მიერ მოწყობილი გამართული თანამედროვე სტადიონი და ასევე, ბავშვების გასართობი მოედანი, რომლებიც ემიჯნება ჩვენ მიერ პრივატიზებულ მიწის ნაკვეთს. ისინი არ გასხვისებულა“, - აღნიშნა ირაკლი თავართქილაძემ. 

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს