2021-04-05 10:07:00, 605 ნახვა
საზოგადოება
საქართველოში ამინდის გაუარესებაა მოსალოდნელი
გარემოს ეროვნული სააგენტოს ინფორმაციით, 5 აპრილს, დღის ბოლოდან 6 აპრილის დილამდე საქართველოში, ძირითადად კი ქვეყნის დასავლეთ ნაწილში წვიმა და ელჭექია მოსალოდნელია.
სინოპტიკოსების პროგნოზით, იქროლებს დასავლეთის ძლიერი ქარი, მაღალ მთაში კი თოვლია მოსალოდნელი. ზღვაზე 3-4 ბალიანი ღელვა იქნება.
მათივე ინფორმაციით, მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, დასავლეთ საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში თოვლის ზვავების ფორმირება და მეწყრული პროცესების ჩასახვა - გააქტიურება გამოიწვიოს.
ავტორი: ექსპრესნიუსი,
epn.ge (@expressnews.ge)
