ჩვენ გვყავს ქვეყანაში კრიმინალური ავტორიტეტი გიორგი რურუა, რომელიც ამჟამად ზის ციხეში და 2 500 ლარად უწოდებენ პოლიტპატიმარს, - ამის შესახებ საპარლამენტო უმრავლესობის ლიდერმა, მამუკა მდინარაძემ საკანონმდებლო ორგანოში გამართულ ბრიფინგზე ჟურნალისტებს განუცხადა.

მისი თქმით, გიორგი რურუას კავშირი და მოტივაცია პოლიტიკასთან არ არსებობს.

„არ ვიცი ოპოზიციონერებს ეშინიათ თუ ასეთი თავხედური დღის წესრიგი აქვთ, რომ კრიმინალურ ავტორიტეტზე საუბრობენ, რომ ის არის პოლიტპატიმარი. ჩვენ გვყავს ქვეყანაში კრიმინალური ავტორიტეტი გიორგი რურუა, რომელიც ამჟამად ზის ციხეში და ამ კრიმინალურ ავტორიტეტს 2 500 ლარად უწოდებენ პოლიტპატიმარს. ეს არის მოცემულობა. ამ ადამიანმა თანხა ჩარიცხა ფორმალურად, რომ თითქოს დაეფიქსირებინა პოლიტიკასთან თავისი კონტაქტი, 2 500 ლარი „ნაციონალური მოძრაობის“ არხზე და ამ 2 500 ლარად უწოდებენ მას პოლიტპატიმარს. ეს არის მთავარი ამბავი. ერთმანეთს თუ არ უმხელენ ამ ადამიანის შიშით არ ვიცი, მაგრამ პოლიტპატიმარს უწოდებენ გიორგი რურუას, რომელიც ერთი რომ კრიმინალური ავტორიტეტია, მეორე - პოლიტიკასთან მისი კავშირი ფიზიკურად არ არსებობს, მასთან მიმართებაში არანაირი პოლიტიკური მოტივაცია არ არსებობს და 2 500 ლარია ერთადერთი სასაცილო კავშირი პოლიტიკასთან. თან „მთავარი არხი“, რომელიც „ნაცმოძრაობის“ ტელევიზიაა, აქ აქვს ეს თანხა ჩარიცხული, არ ვიცი რამდენად რელევანტურია და რამდენად სერიოზულად უნდა ვიმსჯელოთ იმაზე, რომ მისი კავშირი არსებობს პოლიტიკასთან“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება