„ქართული ოცნებას“ განსაკუთრებული პასუხისმგებლობა ეკისრება საქართველოს ამ კრიზისიდან გამოყვანაზე, - ამის შესახებ რესპუბლიკელმა სენატორმა, ჯიმ რიშმა აშშ-ის სენატის ევროპისა და რეგიონული უსაფრთხოების თანამშრომლობის ქვეკომიტეტის სხდომაზე განაცხადა, სადაც საქართველოს საკითხზე იმსჯელეს.

როგორც მან აღნიშნა, ქვეყანაში არსებული კონფლიქტი მხოლოდ ვნებს ქართველ ხალხს და კარს უხსნის რუსეთს.

„მინდა, ხაზი გავუსვა, რომ მმართველ პარტია „ქართული ოცნებას“ განსაკუთრებული პასუხისმგებლობა ეკისრება საქართველოს ამ კრიზისიდან გამოყვანაზე. ეს კონფლიქტი მხოლოდ ვნებს საქართველოსა და ქართველ ხალხს და კარს უხსნის რუსეთს. ვიცი, რომ ჩვენი ელჩი თბილისში, კელი დეგნანი და საელჩოს გუნდი მუშაობენ დაუღალავად, რათა ხელი შეუწყონ ორ მხარეს შორის მოლაპარაკებების გაუმჯობესებას. ძალიან ვაფასებ მათ ძალისხმევას, თუმცა, როგორც ვხვდები, იყო ოდნავი უკუსვლა. მოვუწოდებ მათ ფასილიტაციის გაგრძელებისკენ.

ასევე, მოვუწოდებ ხელისუფლებას, გულწრფელად ჩაებან მოლაპარაკებების პროცესში და სცადონ კრიზისის დაძლევა. საქართველოსთვის ახლა კრიტიკული მომენტია. თუ ის ვერ შეძლებს დემოკრატიის ამუშავებას ახლა, მაშინ არ ვიცი როდის შეძლება ამას. საქართველო დაკარგავს შესაძლებლობას შეუერთდეს ევროატლანტიკურ ინსტიტუტებს, საქართველოს პოლიტიკურმა ლიდერებმა უნდა მოილაპარაკონ და დაასრულონ კრიზისი და შეთანხმდნენ საჭირო რეფორმებზე, რომელიც გააუმჯობესებს საქართველოს მომავალს“, -  განაცხადა ჯიმ რიშმა.

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება