ჯანდაცვის მინისტრის მოადგილემ თამარ გაბუნიამ განმარტა, თუ რატომ შეწყდა აჭარის 4 მუნიციპალიტეტში: ქედაში, შუახევში, ხულოსა და ხელვაჩაურში, ვაქცინაციის პროცესი.

როგორც მინისტრის მოადგილემ აღნიშნა, გუშინ მიიღეს გადაწყვეტილება, რომ პროცესი აღარ ჩატარდება პერიფერიულ კლინიკებში, რაიონულ დონეზე.

მანვე დასძინა, რომ აჭარის მუნიციპალიტეტში კორონავირუსის საწინააღმდეგო ვაქცინის გაკეთება ბათუმის რესპუბლიკურ საავადმყოფოში იქნება შესაძლებელი.

„აჭარის შემთხვევაში, ჩვენ გვქონდა შერჩეული ბათუმის რესპუბლიკური საავადმყოფო, როგორც მთავარი აცრის ცენტრი, „ფაიზერის“ ვაქცინისთვის, „ასტრაზენეკას“ ვაქცინისთვის, ჯგუფმა მიანიჭა უპირატესობა გეოგრაფიული ხელმისაწვდომობის დაცვას და მოგეხსენებათ, აჭარში არის რაიონული დონის საკმაოდ კარგი და გამართული საავადმყოფოები, სადაც იყო დაგეგმილი ვაქცინაციის ჩატარება, თუმცა გუშინდელი გადაწყვეტილების შემდეგ, პერიფერიულ კლინიკებში, ანუ რაიონულ დონეზე ვაქცინაციის პროცესი აღარ ჩატარდება და ეს ყველაფერი გაგრძელდება ბათუმის რესპუბლიკურ საავადმყოფოში“, - განაცხადა თამარ გაბუნიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე