გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი პარლამენტის აგრარულ საკითხთა და ევროპასთან ინტეგრაციის კომიტეტების გაერთიანებულ სხდომას დაესწრო.

სხდომაზე, სამინისტროს და სამინისტროს სისტემაში შემავალი უწყებების წარმომადგენლებმა  საქართველოსა და ევროკავშირს შორის ასოცირების შესახებ შეთანხმების 2020 წლის ეროვნული სამოქმედო გეგმის შესრულების ანგარიში, სურსათის ეროვნული სააგენტოს, სოფლის მეურნეობის სახელმწიფო ლაბორატორიის საქმიანობის შედეგები წარადგინეს  და არსებულ გამოწვევებზე იმსჯელეს. აღინიშნა, რომ ღრმა და ყოვლისმომცველი თავისუფალი სავაჭრო სივრცის შესახებ შეთანხმებით ნაკისრი ვალდებულებების შესრულების პროცესი,რაც სურსათის უვნებლობის,  ვეტერინარიისა და მცენარეთა დაცვის მიმართულებით ევროკავშირის კანონმდებლობასთან დაახლოებას გულისხმობს, გეგმის მიხედვით მიმდინარეობს.

„სამინისტროს, ევროინტეგრაციის, სურსათის უვნებლობის, ვეტერინარიის, მცენარეთა დაცვის  და ლაბორატორიული შესაძლებლობების გაძლიერების კუთხით ხელშესახები შედეგები აქვს. ამავდროულად, მიმდინარეობს მუშაობა იმ გამოწვევებზე, რომლებიც დღის წესრიგში დგას. თანამედროვე სტანდარტების, ტექნოლოგიების დანერგვა და ის ხელშემწყობი სახელმწიფო პროგრამები, რომლებსაც სამინისტრო ახორციელებს ქართული პროდუქციის ხარისხის, კონკურენტუნარიანობის  და საექსპორტო პოტენციალის ზრდის წინაპირობაა“, - განაცხადა გიორგი ხანიშვილმა.

ავტორი: NS (სტატია დაფინანსებულია),

სოციალური ქსელები

საფრანგეთის, გერმანიის, იტალიისა და დიდი ბრიტანეთის საგარეო საქმეთა სამინისტროები რუსეთ-საქართველოს ომთან დაკავშირებით ერთობლივ განცხადებას ავრცელებენ

მარგუს ცაჰკნა - ესტონეთი ქართველი ხალხის გვერდით დგას

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან

ნორვეგიის საგარეო უწყება - საქართველოში, 18 წლის შემდეგაც კი, ოკუპაცია გრძელდება