„ევროპული საქართველოს“ წევრის, სერგი კაპანაძის განცხადებით, „ქართული ოცნების“ განცხადებები ევროპული საბჭოს პრეზიდენტის ვიზიტამდე არსებულ სტატუს-კვოს დაუბრუნდა.

როგორც მან აღნიშნა, ოპოზიცია ხელისუფლებასთან დიალოგისთვის მზადაა, თუმცა მანამდე აქციების შეწყვეტას არ აპირებენ.

„ვართ მზად იმისთვის, რომ დიალოგი შედგეს ხელისუფლებასთან და ის 6 საკითხი, რომელიც ჩარჩოს ფორმით გადმოგვცა ევროპული საბჭოს პრეზიდენტმა, იყოს განხილული. მანამდე ბუნებრივია, ჩვენ არ შევწყვეტთ აქციებს. ის პროტესტი, რომელიც საზოგადოებაშია დაგროვებული იქნება გამოხატული.

ის განცხადებები, რომელიც ბატონმა ღარიბაშვილმა გააკეთა და „ქართული ოცნების“ მხრიდან გვესმოდა, თითქოს დაბრუნდა პრეზიდენტ მიშელის ვიზიტამდე არსებულ სტატუს-კვოზე. ისევ აგრესიული საუბარია იმაზე, რომ არ განიხილება რიგგარეშე არჩევნების საკითხი. იმედი მაქვს, ეს ყველაფერი უბრალოდ პროპაგანდისტული განცხადებები იყო და რეალურად, მოლაპარაკებებში მათ ჩართვას ხელს არ შეუშლის“, - განაცხადა სერგი კაპანაძემ.

ავტორი: ექსპრესნიუსი,

სოციალური ქსელები

ლიკლიკაძე - მძიმე წარსულზე ლაპარაკისას, ადამიანს შეიძლება ცდომილება მოუვიდეს

ბოლო ერთი თვის განმავლობაში, საარსებო შემწეობა კიდევ 7 235 საქართველოს მოქალაქეს შეუწყდა

ყაზახეთი განიხილავს ნავთობის ექსპორტის დამატებით მარშრუტებს, მათ შორის ბაქო-თბილისი-ჯეიჰანს

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები