ჯანდაცვის მსოფლიო ორგანიზაციის დირექტორმა, ტედროს ადანომ გებრეიესუსმა გუშინ გამართულ ბრიფინგზე განაცხადა, რომ მოიპოვეს დამატებით მნიშვნელოვანი ინფორმაცია, რომელიც კორონავირუსის წარმოშობის გაგებასთან აახლოვებთ.

მისი თქმით, აგრძელებენ მუშაობას იმისთვის, რომ ვირუსის წარმოშობასა და გავრცელებასთან დაკავშირებით ყველა არსებულ კითხვას გაეცეს პასუხი.

„წამოიჭრა რამდენიმე კითხვა იმის თაობაზე, გაუქმდა თუ არა ზოგიერთი ჰიპოთეზა ვირუსის წარმოშობასთან დაკავშირებით. მინდა დავადასტურო, რომ ყველა ჰიპოთეზა ღიად რჩება და საჭიროებს შემდგომ ანალიზსა და შესწავლას.

ჩვენ ყოველთვის ვამბობდით, რომ მისია ვერ მოძებნიდა ყველა პასუხს, მაგრამ მას დაემატა მნიშვნელოვანი ინფორმაცია, რომელიც ვირუსის წარმოშობის გაგებას გვაახლოებს.

ჩვენ გავაგრძელებთ მუშაობას იმ ინფორმაციის მისაღებად, რაც საჭიროა იმ კითხვებზე პასუხის გასაცემად, რომელზეც ჯერ კიდევ პასუხის გაცემაა საჭირო“, - განაცხადა ტედროს გებრეიესუსმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა

საქართველოს ბანკის მხარდაჭერით, ბათუმში მეწარმე ქალებისთვის ელ. კომერციის ვორქშოპი გაიმართება

ევროკომისარი აზერბაიჯანის პროკურატურისგან აფგან სადიგოვის დაკავებაზე განმარტებას ითხოვს

ლიტერატურული პრემია „საბას“ 2026 წლის ფინალისტები ცნობილია