2021-01-26 21:15:26, 1598 ნახვა
ომი უკრაინაში
დავით ზალკალიანს კორონავირუსი დაუდასტურდა
საგარეო საქმეთა მინისტრს, დავით ზალკალიანს ინფიცირებულთან კონტაქტის შემდეგ კორონავირუსი დაუდასტურდა.
ამის შესახებ ზალკანიანმა სოციალურ ქსელში დაწერა.
„მიმდინარე წლის 23 იანვარს, ინფიცირებულთან კონტაქტის შემდგომ, თვითიზოლაციაში გადავედი.
დადგენილი ვადის გასვლის შემდეგ გავიკეთე PCR ტესტი. შედეგად, COVID-19 ინფექცია მეც დამიდასტურდა.
ამ ეტაპზე თავს კარგად ვგრძნობ. ყველანაირი პროტოკოლის დაცვით სახლში ვმკურნალობ. იმედს ვიტოვებ, ცხოვრების ჩვეულ რეჟიმს მალე დავუბრუნდები.
ყველას დიდი მადლობა გულშემატკივრობისთვის. გავუფრთხილდეთ ერთმანეთს და რისკების თავიდან აცილების მიზნით მაქსიმალურად დავიცვათ ჯანდაცვის სამინისტროს რეკომენდაციები“,– წერს ზალკალიანი.
ავტორი: ექსპრესნიუსი,
epn.ge (@expressnews.ge)
