კორონავირუსის შეზღუდვების წინააღმდეგ დაანონსებულ აქციას პოლიტიკოსებიც შეუერთდებიან

2021-01-23 12:20:01, 667 ნახვა

პოლიტიკა

„ნაციონალური მოძრაობის“ წევრმა ხატია დეკანოიძემ, „გირჩი - მეტი თავისუფლების“ ლიდერმა ზურაბ ჯაფარიძემ და „ევროპული საქართველოს“ ყოფილმა დეპუტატმა ელენე ხოშტარიამ ერთობლივი ბრიფინგი გამართეს.

ისინი მოქალაქეებს შეზღუდვების კიდევ ერთი თვით გახანგრძლივებასთან დაკავშირებით მთავრობის კანცელარიასთან დაგეგმილ აქციაზე მისვლისკენ მოუწოდებენ.

„ხელისუფლების გუშინდელი თავხედური გადაწყვეტილების შემდეგ, ადამიანებს ყველანაირი ახსნა-განმარტებების გარეშე უთხრეს, რომ კიდევ იშიმშილეთ ერთი თვე და ამის მერე გადავწყვეტთ ჩვენ, თუ რამდენ ხანს გაგრძელდება შეზღუდვები. ამ საკითხში ვინმეზე ზრუნვის არანაირი გონივრული ახსნა აღარ არსებობს. ეს არის უბრალოდ მონობის დაანონსება“, - განაცხადა ელენე ხოშტარიამ.

შეგახსენებთ, რომ მთავრობის გადაწყვეტილებით, კორონავირუსის გამო დაწესებული შეზღუდვების ნაწილი პირველ მარტამდე გახანგრძლივდა. დაწესებული შეზღუდვების გასაპროტესტებლად 24 იანვარს მთავრობის კანცელარიასთან აქცია გაიმართება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,