ლევან იოსელიანი - ოპოზიციასთან ჩვენი გზები გაიყო

2021-01-22 12:31:32, 590 ნახვა

პოლიტიკა

„მოქალაქეების“ ერთ-ერთი წევრი, ლევან იოსელიანი აცხადებს, რომ ოპოზიციასთან მათი გზები გაიყო.

როგორც იოსელიანი აღნიშნავს, ოპოზიციამ გუშინ მოაწყო კოლექტიური სასამართლო სადაც განაცხადეს, რომ „მოქალაქეები“ ოპოზიური ძალა არაა. იოსელიანი ამ განცხადებას სისულელეს უწოდებს.

„ვხედავთ, რომ მოლაპარაკებების არის გაჭედილი პროცესი არ მიდის წინ. ვხედავთ, რომ ოპოზიციას აქვს სხვა ტაქტიკა და მოსაზრება და ჩვენ გვაქვს სხვა მოსაზრება. ჩვენი გზები გაიყო. დღეს არის პირველი შეხვედრა იმასთან დაკავშირებით, რაზე მოვილაპარაკებთ ან ვერ მოვილაპარაკებთ. ოპოზიციის ერთობას რომ გამოვეთიშეთ მე მგონი ეს თავად ნახეთ კოლექტიური სასამართლო, სადაც თქვეს რომ ჩვენ არ ვართ ოპოზიცია, რა სრული სისულელეა“, - განაცხადა იოსელიანმა.

შეგახსენებთ, რომ ამ წუთებში ალეკო ელისაშვილი და ლევან იოსელიანი „ქართული ოცნების“ ლიდერებთან ინდივიდუალურ შეხვედრას მართავენ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან