2021-01-12 15:57:40, 968 ნახვა

---

იაგო ხვიჩია - „ქართული ოცნება“ ანგრევს საგამოძიებო კომისიის იდეას, როდესაც საკუთარ ქმედებას ოპოზიციის გარეშე იძიებს

მაშინ, როდესაც არც ერთი ოპოზიციური პარტია არ არის პარლამენტში და „ქართული ოცნება“ საკუთარ ქმედებას იძიებს, ეს ანგრევს საგამოძიებო კომისიის იდეას, - ამის შესახებ „პოლიტიკური ცენტრი - გირჩის“ წევრმა იაგო ხვიჩიამ განაცხადა.

მისი თქმით, კომისიის შექმნამდე პარლამენტში ოპოზიციის შეყვანაა აუცილებელი.

„საგამოძიებო კომისიასთან დაკავშირებით მე არანაირი პრეტენზია არა მაქვს, თუ ის არის შედგენილი წესიერად და მას რაიმე შინაარსი ექნება. მაშინ, როდესაც არც ერთი ოპოზიციური პარტია არ არის პარლამენტში და შენ თვითონ „ქართული ოცნება“ საკუთარ ქმედებას იძიებ საგამოძიებო კომისიის მეშვეობით, ეს უბრალოდ ანგრევს საგამოძიებო კომისიის იდეას თავიდან ბოლომდე. ჯერ ნდობაა მოსაპოვებელი, პარლამენტში ოპოზიციაა შესაყვანი და შემდეგ იქ ერთობლივად „ქართულმა ოცნებამ“ და ოპოზიციამ შეიძლება კომისიაც შექმნას და სხვანაირადაც იმსჯელოს არჩევნებზე“, - განაცხადა იაგო ხვიჩიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი