„ გასაოცარი მეოთხე წელი, რომელიც ბიძინა ივანიშვილის დაპირებით უნდა ყოფილიყო საუკეთესო, ბიძინა ივანიშვილმა დაიწყო სამარცხვინო ნაბიჯით. მან თავისი გადაწყვეტილებით რუსთავი 2 დახურა“, - განაცხადა ტელეკომპანია „რუსთავი 2“-ის გენერალურმა დირექტორმა ნიკა გვარამიამ სპეციალურ პრესკონფერენციაზე.

„არ მოგატყუოთ იმან ახლა, რასაც ახლა ტელეეთერებში ხედავთ. ის, რო,მ ჩვენ მაუწყებლობას ვაგრძელებთ, არ ნიშნავს იმას, რომ ხელისუფლება ყველაფერს არ აკეთებს იმისთვის, რომ ჩვენ ეს მაუწყებლობა შევწყვიტოთ. დღეს როგორც არასდროს ჩვენ ახლოს ვართ ამ მაუწყებლობის შეწყვეტასთან. ჩვენ გადაკეტილი გვაქვს ყველა ფინანსური არხი, რომელსაც ვიყენებდით ალტერნატივის შემთხვევაში. ტელევციზია არის კონსიგნაციური ბიზნესი. ის როცა ყიდის სარეკლამო რგოლს, რამდენიმე თვის შემდეგ აქვს შემოსავალი. განსაკუთრებით მნიშვნელოვანია ამ რამდენიმე თვიანი პაუზის ამოსავსებად ფინანსური საბანკო მომსახურება“, - აცხადებს გვარამია.

მისივე განმარტებით, დღეს ხელისუფლებამ რუსთავი 2-ს შეუზღუდა ფინანსების მოსაზიდად ერთადერთი ალტერნატიული გზა. სწორედ ამ და სხვა მიზეზების გამო ტელეკომპანიამ 6 მლნ დოლარის ინვესტიცია დავით კეზერაშვილის ნათესავისგან მიიღო.

„შეგვიზღუდა ერთადერთი ალტერნატიული გზა, გვქონდეს დაფინანსება მაშინაც, როცა რთული პერიოდები გვიდგას. ეს არის ინვესტიციების მოზიდვა. ჩვენ მოვიზიდეთ 6 მლნ დოლარის ინვესტიცია. მოვიზიდეთ ადამიანისგან, რომელიც დიახ არის დავით კეზერაშვილის ნათესავი. ინვესტორი,რომელიც არ ჩაერეოდა ჩვენს სარედაქციო საქმიანობაში“, - აცხადებს „რუსთავი 2“-ს გენერალური დირექტორი.

შეგახსენებთ, რომ „რუსთავი 2“-ის შემდეგ სასამართლომ კომპანია 51 % წილის მფლობელი შპს „საქართველოც“ დააყადაღა. ტელეკომპანია საქართველოს წილების დაყადაღების შესახებ დღეს ცნობილი მას შემდეგ გახდა, რაც საჯარო რეესტრმა შპს-ს მონაცემებში შეტანაზე უარი თქვა, საუბარია ნასყიდობის ხელშეკრუილებაზე, რომელიც 29 სექტემბერს კომპანიის 100 % -ის მფლობელ ძმებ ყარამანაშვილებსა და დიმიტრი ჩიქოვანს შორის გაფორმდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო

ნატოს სამიტზე სტარმერმა ევროპას შორი მოქმედების იარაღისთვის 50 მლრდ-იანი გეგმა წარუდგინა