2021-01-05 10:43:26, 3849 ნახვა
სხვადასხვა
ოკუპირებულ გალში ხანძარია - ე.წ ხელისუფლებამ მოსახლეობის ევაკუაციის გადაწყვეტილება მიიღო
ოკუპირებული აფხაზეთის გალის რაიონში რამდენიმე სოფელში, კერძოდ, ზემო-ბაგრებში, სიდასა და რეპო-ეწერში ტყის მასივი იწვის.
ოკუპირებული აფხაზეთის ე.წ საგანგებო სიტუაციების მინისტრმა ლევ კვიციანმა ადგილობრივი მაცხოვრებლების ევაკუაციის შესახებ განაცხადა.
ადგილობრივი მედიის ინფორმაციით, ძლიერი ქარის გამო ხანძრის ლოკალიზაცია ვერ მოხერხდა და ცეცხლმა ახლომდებარე სახლებამდეც მიაღწია.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
