ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანება“ ბუღალტრული აღრიცხვის, ანგარიშგებისა და ფინანსური გამჭვირვალობის  ყოველწლიურ კონკურსში (BARTA) შერჩეულ მონაწილეთა შორის დასახელდა. კომპანიამ „საუკეთესო წლიური ანგარიშის და გამჭვირვალობის ჯილდო-2020“-ის კონკურსში მონაწილეობა პირველად მიიღო კატეგორიაში მცირე და საშუალო კომპანიები, სადაც 500-ზე ნაკლები ადამიანია დასაქმებული. ყოველწლიური ღონისძიების ორგანიზატორია მსოფლიო ბანკი, ევროკავშირი და საქართველოს აუდიტისა და ანგარიშგების რეფორმების მხარდაჭერის ეროვნული ფონდი. საქართველოს აეროპორტების გაერთიანების დირექტორმა თამარ არჩუაძემ ორგანიზატორებს კომპანიის აღიარებისთვის მადლობა გადაუხადა.

,,პირველ რიგში მადლობა მინდა გადავუხადო ღონისძიების ორგანიზატორებს ჩვენი კომპანიის კონკურსში ჩართვისთვის და აღიარებისთვის. უნდა აღინიშნოს, რომ საქართველოს აეროპორტების გაერთიანება მსგავს კონკურსში წელს პირველად ჩაერთო და მოხარულები ვართ, რომ პირველსავე წელს შერჩეულ მონაწილეთა შორის მოვხვდით. ჩვენთვის მნიშნველოვანი, რომ კომპანიის ფინანსური ანგარიშებები იყოს სრულიად გამჭვირვალე და შეესაბამებოდეს ფინანსური ანგარიშგების საერთაშორისო სტანდარტებს,-‘’აცხადებს თამარ არჩუაძე.

ყოველწლიური ღონისძიება კომპანიების  ანგარიშგების და გამჭვირვალობის ხარისხის ამაღლებას ისახავს მიზნად. კონკურსში მონაწილეობის მისაღებად კომპანიები წლიური ანგარიშის ფარგლებში მმართველობითი, კორპორაციული მართვის და არასაფინანსო ანგარიშგებებს წარადგენენ.

ავტორი: NS (სტატია დაფინანსებულია),

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times