2015-09-30 09:21:50, 437 ნახვა
პოლიტიკა
ირაკლი ღარიბაშვილი წელს მოლდოვას ეწვევა
საქართველოს პრემიერ-მინისტრი წელს მოლდოვას ეწვევა, - ამის შესახებ „ექსპრესნიუსს“ მთავრობის ადმინისტრაციის პრესსამსახურიდან აცნობეს.
მათივე ინფორმაციით, ირაკლი ღარიბაშვილმა მოლდოვის პრემიერ-მინისტრის ვალერი სტრელეცისგან მიწვევა დღეს ნიუ-იორკში, გაეროს გენერალური ასამბლეის ფარგლებში გამართულ შეხვედრაზე მიიღო.
პრემიერ-მინისტრებმა ორმხრივი ურთიერთობების ფართო სპექტრი განიხილეს, რომლის დროსაც ორივე მხარემ ხაზი გაუსვა თანამშრომლობის შემდგომი გაღრმავების საჭიროებას. შეხვედრაზე გადაწყდა, რომ ორი ქვეყნის მთავრობის მეთაურების ოფიციალური გაცვლითი ვიზიტები უახლოეს პერიოდში დაინიშნება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
