სოფელ უჩხითში მცხოვრებმა  ახალგაზრდა დურგლმა - რესან ჟოჟაძემ, პანდემიის დროს, ბაბუის ნასწავლი, მივიწყებული ხელობა ბიზნესად აქცია.

ხისგან დამზადებული ჯამები, ლამბაქები, საათები, ჭაღები - ახალგაზრდა დურგალი დაკვეთებს ძირითადად ელექტრონული საშუალებით იღებს და ნამუშევარს ადრესატთან ფოსტის მეშვეობით აგზავნის.

სახელოსნოს დღეს ქედის მერი ლევან გორგილაძე ესტუმრა და ოსტატი ,,ოჯახური ტრადიციების გაცოცხლებისა და პოპულარიზაციისათვის“ მადლობის სიგელით დააჯილდოვა.

,,სახალხო დღესასწაული ,,ქედელობა - 2020“ პანდემიასთან ბრძოლას მიეძღვნა. ეს არის ტრადიციული ფესტივალი, სადაც ეწყობა ეთნოგრაფიული, გასტრონომიული, ფოლკლორული, ხეზე კვეთის ნამუშევრების გამოფენა. დარწმუნებული ვარ, მომავალი წლის დღესასწაულს ახალგაზრდა ოსტატი კიდევ უფრო მრავალფეროვანს გახდის თავისი არაჩვეულებრივი ნამუშევრებით. მუნიციპალიტეტის სახელით, მადლობას ვუხდი მივიწყებული უძველესი საქმიანობის გაცოცხლებისა და პოპულარიზაციისათვის! ჩვენ მაქსიმალურად ვეცდებით, შესაძლებლობის ფარგლებში, ხელი შევუწყოთ სახელოსნოს კიდევ უფრო განვითარებას და მის შესახებ ცნობადობის ამაღლებას“, - აღნიშნა ლევან გორგილაძემ.

ქედის თვითმმართველობამ, დაიწყო სახელოსნოსთან მისასვლელი ავარიული შიდა საუბნო გზის კეთილმოწყობა. გარდა ამისა, შპს ,,ქედის ტურისტული განვითარებისა და ხელშეწყობის ცენტრს“ დაევალა აქტიურად ითანამშრომლოს ოსტატთან, რათა საწარმო გახდეს  მუნიციპალიტეტში ერთგვარი სავიზიტო ბარათი და მის გასაძლიერებლად  დაიგეგმოს სხვადასხვა საჭირო ღონისძიებები.

ავტორი: NS (სტატია დაფინანსებულია),

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს