მოსწავლე-ახალგაზრდობის ეროვნული სასახლის ინიციატივით, არაფორმალური განათლების ორგანიზაციების სტრატეგიული პარტნიორობის VII ფორუმი გაიმართა, რომელშიც  მონაწილეობდნენ საქართველოს მასშტაბით მოქმედი მრავალპროფილიანი სასწავლო, კულტურული,  სპორტული,  არაფორმალური განათლების ორგანიზაციები. ღონისძიებაში მონაწილეობდა დედაქალაქის მერის მოადგილე ანდრია ბასილაია, მუნიციპალიტეტის საკრებულოს თავმჯდომარის მოადგილე მარიკა დარჩია და დარგის ექსპერტები.

ფორუმის მოდერატორი ეროვნული სასახლის დირექტორი თინათინ რუხაძე იყო, რომელმაც სასახლეში მიმდინარე ცვლილებებზე, ახალ სერვისებზე, სწავლების თანამედროვე მეთოდებსა და მნიშვნელოვან პროექტებზე ისაუბრა.

ფორუმის მსვლელობისას დარგობრივი პრეზენტაციები გამართეს ეროვნული სასახლის საგნობრივი მიმართულების ხელმძღვანელმა - ლია შენგელიამ და პროექტების სამსახურის უფროსმა - ლევან დვალმა. ყურადღება გამახვილდა მომავალი თაობის აღზრდაში  მასწავლებლების  კვალიფიკაციის ამაღლებისა და გადამზადების საკითხებზე.

არაფორმალური განათლების ექსპერტმა, ქეთევან გრიგოლიამ, ისაუბრა სფეროს როლზე, არსებულ საერთაშორისო პრაქტიკაზე და ახალგაზრდების მოზიდვის მნიშვნელობაზე. მან განიხილა  არაფორმალური განათლების თანამედროვე სტანდარტების თავისებურებები და  საერთაშორისო პროგრამების დანერგვის მეთოდები.

ფორუმის დასასრულს, მონაწილეებმა განიხილეს რეგიონებში არაფორმალური განათლების სფეროში შექმნილი პრობლემები. გაიმართა დისკუსია პანდემიით გამოწვეული საკითხების გადაჭრის გზებზე და სხვა აქტუალურ თემებზე. ფორუმის მონაწილე ორგანიზაციების წარმომადგენლებმა ისაუბრეს ურთიერთთანამშრომლობის შემდგომ პერსპექტივებსა  და ერთობლივი პროექტების განხორციელების შესაძლებლობებზე.

ავტორი: NS (სტატია დაფინანსებულია),

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო