„ყველა არჩევნები არის თურმე მათი თვალთახედვით გაყალბებული მანამ, სანამ არ მოხდება სასურველი შედეგების დადგომა“, - ამის შესახებ ცენტრალური საარჩევნო კომისიის თავმჯდომარემ თამარ ჟვანიამ განაცხადა.

მან ასევე აღნიშნა, რომ ხალხის მიერ გამოხატული ხმები სწორად არის ასახული შემაჯამებელ ოქმში.

„დღეს ამ ქვეყანაში, როგორც ჩანს, პოლიტიკური კულტურის ფონზე ყველა არჩევნები არის თურმე მათი თვალთახედვით გაყალბებული მანამ, სანამ არ მოხდება სასურველი შედეგების დადგომა. ეს ასე ვერ იქნება.

ქვეყნის და ხალხის მიერ გამოხატული ხმები არის სწორედ განაწილებული იმ 9 საარჩევნო სუბიექტზე, რომელიც ამ შემაჯამებელ ოქმშია ასახული.  შესაბამისად, ეს 2 მილიონამდე ამომრჩევლის ნებაა, რომელიც გადანაწილებულია 9 საარჩევნო სუბიექტზე.

ეს არის ძალიან დიდი ლეგიტიმაცია, როდესაც ხალხი აძლევს საარჩევნო სუბიექტებს ამ ლეგიტიმაციას, რომ მათ იმუშაონ პარლამენტში და მხოლოდ იმ შემთხვევაში შეიძლება ვისაუბროთ ხალხისა და ქვეყნის სახელით, როცა ყველ მათგანის ხმაზე ვისაუბრებთ და არა ცალკეულ, კერძო გამოხატვაზე“,  - განაცხადა ჟვანიამ.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.