საპროცედურო საკითხთა კომიტეტის თავჯდომარის გიორგი კახიანის შეფასებით, დეპუტატის ზაქარია ქუცნაშვილის „საჯარო სამსახურის შესახებ“ კანონპროექტს, კონტექსტიდან ამოგლეჯილი უწოდა.

როგორც კახიანმა კომიტეტის სხდომაზე განაცხადა, ხელფასებთან დაკავშირებული პრობლემები მოსაგვარებელია, თუმცა, ფრაგმენტული ცვლილებებით ეს ვერ მიიღწევა.

 „ისიც კარგად გვესმის, რომ ფრაგმენტული ცვლილებებით ამის მიღწევა არის შეუძლებელი. რეფორმა, რომელიც პარლამენტმა ორი მოსმენით მიიღო, ხელფასებთან დაკავშირებული საკითხების მოგვარებასაც ეხება. იმ კონტექსტში, როდესაც ჩვენ პარალელურად რეფორმას ვატარებთ, ვფიქრობ, კონტექსტიდანაც ამოვარდნილია აღნიშნული ინიციატივა“-განაცხადა გიორგი კახიანმა.

 ცნობისთვის პარლამენტში დეპუტატმა ზაქარია ქუცნაშვილმა „საჯარო სამსახურის შესახებ“ კანონპროექტი დაარეგისტრირა, რომლის თანახმადაც 25 მაღალი რანგის 800–მდე თანამდებობის პირს  2016 წლის პირველ იანვრამდე პრემიის მიღება უნდა შეეზღუდოს.

კანონის პროექტის თანახმად, 25 რანგიდან 24  ეხება სახელმწიფო ხელისუფლების ორგანოების მაღალი თანამდებობის პირებს და მათ მოადგილეებს. ხოლო ერთი ადგილობრივი ხელისუფლების შემდეგ თანამდებობის პირებს –  საკრებულოს თავჯდომარე, მერსა და გამგებელს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის მხარდაჭერით, საქართველოს ნაკრები ინფორმატიკის ევროპის ახალგაზრდულ ოლიმპიადაზე გაემგზავრება

მიხეილ ყაველაშვილი – ჩვენმა საპარლამენტო დელეგაციამ ჯო უილსონს სათანადო პასუხი გასცა

სააკაშვილი: „რეფორმატორთა საბჭოს“ შექმნა ხელს შეუწყობს „ნაციონალური მოძრაობის“ განახლებას

საქართველოს დელეგაციამ პროტესტის ნიშნად ჰააგის დეკლარაციის კენჭისყრის დარბაზი დატოვა