სიმართლე რომ გითხრათ, მე შემძრა იმ სიმამაცემ, რომელიც რიგითმა ყულჯანიშვილმა გამოიჩინა, - ამის შესახებ აშშ-ის ელჩმა საქართველოში იან კელიმ, თბილისის საერთაშორისო აეროპორტში განაცხადა, სადაც ავღანეთში დაღუპული ქართველი სამხედროს ვასილ ყულჯანიშვილის ჩამოსვენებას დაესწრო.

იან კელიმ დაღუპულის ოჯახს და სრულიად საქართველოს მიუსამძიმრა.

„ეს ძალიან სამწუხარო ფაქტია არა მხოლოდ პირადად ჩემთვის, არამედ მთლიანად შეერთებული შტატების მოსახლეობისთვის. მინდა გამოვუცხადო თანაგრძნობა არა მხოლოდ გარდაცვლილის ოჯახს, არამედ მთელ ქართველ ერს. სიმართლე რომ გითხრათ, მე შემძრა იმ სიმამაცემ, რომელიც რიგითმა ყულჯანიშვილმა გამოიჩინა“, - განაცხადა იან კელიმ.

ცნობისთვის, ავღანეთში დაღუპული ქართველი სამხედრო მოსამსახურე,  ვასილ ყულჯანიშვილი საქართველოში ჩამოასვენეს. ვასილ ყულჯანიშვილს აეროპორტიდან რუსთავში, საკუთარ სახლში გადაასვენებენ.

შეგახსენებთ, საქართველოს შეიარაღებული ძალების IV მექანიზირებული ბრიგადის 43-ე ბატალიონის პირველი კლასის რიგითი ვასილ გელას ძე ყულჯანიშვილი ავღანეთში, „მტკიცე მხარდაჭერის“ მისიის შესრულების დროს დაიღუპა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა