წყალტუბოს მოსახლეობა ნამოხვანჰესის მშენებლობას უკვე 22 დღეა, რაც აპროტესტებს. 

ადგილობრივები ამ ტერიტორიიდან სამშენებლო კომპანია "ენკას" გასვლას ითხოვენ და ამ პროექტს "სიკვდილის კაშხალს" უწოდებენ. 

ისინი თვლიან, რომ "ნამოხვანჰესი", როგორც რიონის ხეობას, ასევე მთლიანად დასავლეთ საქართველოს უარყოფით შედეგებს მოუტანს.

"ამ 22 დღის განმავლობაში არავინ ჩვენთან კომუნიკაციაზე არ გამოსულა, გადავწყვიტეთ მიგვემართა რადიკალური ზომებისთვის და გადავკეტეთ ცენტრალური გზა. მოვიდა პოლიცია, გვიბრძანა დავშლილიყავით და საპასუხოდ არ უთქვამს, რომ ვინმე დაგველაპარაკებოდა.

სპეცრაზმს მისცა ბრძანება, რომ დავერბიეთ და გავეყვანეთ აქედან. საშინელი სიტუაცია იყო, გადაუარეს აქციის მონაწილეებს", - აცხადებს აქციის მონაწილე ტვ პირველთან საუბრისას. 

"მივედით უკიდურეს ზომამდე, რადგან მთავრობამ ჩვენთან საუბარი არ მოისურვა, ჩვენ კანონის ფარგლებში ჩვენ ხმას ყველას გავაგონებთ", - აცხადებს მედიასთან საუბრისას ერთ-ერთი აქტივისტი.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო