თავდაცვის მინისტრის თინა ხიდაშელის განცხადებით, საქართველოს ამოცანა არა MAP-ი, არამედ ნატოში გაწევრიანებაა.

ამის შესახებ ხიდაშელმა „მაესტროს ფაქტორში“  ჩართვისას განაცხადა.

როგორც ხიდაშელმა აღნიშნა, საქართველოს 10-ჯერ და 20-ჯერ მეტი ინსტრუმენტი აქვს, ვიდრე რომელიმე MAP-ის მქონე ქვეყანას.

„ჩემი პირადი აზრი თუ გაინტერესებთ, როგორც თავდაცვის მინისტრის, მე ვფიქრობ რომ MAP-ი საქართველოს არ სჭირდება.  საქართველოს აბსოლუტურად ყველა ინსტრუმენტი აქვს და ეს ინსტრუმენტები ყოველდღიურად იზრდება.  საქართველოს იმაზე ათჯერ და ოცჯერ მეტი ინსტრუმენტი აქვს, ვიდრე რომელიმე აქამდე MAP- ის მქონე ქვეყნას აქვს. MAP-ს  აქვს მხოლოდ პოლიტიკური დატვირთვა. დღემდე MAP-ი  საკრალური ცნება გახდა და ქართველებისთვის შეიძინა წმინდა წყლის პოლიტიკური დატვირთვა“,-განაცხადა თინა ხიდაშელმა.

თავდაცვის მინისტრის შეფასებით, მისთვის უფრო მნიშვნელოვანია უსაფრთოების გარანტიები ვიდრე MAP-ი.

„ჩემთვის, როგორც თავდაცვის მინისტრისთვის MAP-ზე  უფრო მნიშვნელოვანია უსაფრთხოების გარანტიები მივიღოთ. ეს როგორ უნდა მივიღოთ? ჩვენ უნდა დავდგეთ ნატო-ს წევრობის გზაზე.  ჩვენ ამ გზაზე არ ვდგავართ. იმიტომ რომ ჩვენ ახლა MAP-ის  გზაზე ვდგავართ და ეს შუალედური რგოლი უნდა ამოვიღოთ“,-აღნიშნა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”