სოფლის მეურნეობის სამეცნიერო-კვლევითი ცენტრის მეხილეობის კვლევის სამსახურის თანამშრომლების, ზვიად ბობოქაშვილის და ელენე მაღლაკელიძის ავტორობით, წიგნი „საქართველოს ხეხილი: ახალი ჯიშები და მათი თავისებურებები“ გამოიცა. ნაშრომი საქართველოში შემოტანილი ხეხილის 71 პერსპექტიულ ჯიშზე ინფორმაციას მოიცავს და მასში ვაშლის, მსხლის, ატმის, ქლიავის, კაკლის, გარგარის, ბლის, ალუბლის და ნუშის ჯიშების ბიოლოგიური თვისებები და სამეურნეო მახასიათებლებია აღწერილი.

წიგნი შოთა რუსთაველის ეროვნული სამეცნიერო ფონდის გრანტის ფარგლებში გამოიცა, მასში მეხილეობის კვლევის სამსახურის მიერ 4 წლის განმავლობაში შესრულებული სამუშაოებია შეჯამებული. წიგნის აქტუალურობა ბოლო 20 წელიწადში საზღვარგარეთიდან ხეხილის უამრავი ჯიშის შემოტანამ განაპირობა. მეხილეობის კვლევის სამსახური აგრძელებს კვლევებს, 2021 წლისთვის, უკვე შემდეგი 70 ჯიშის შესახებ შეგროვდება ინფორმაცია.

წიგნი განკუთვნილია როგროც მოყვარული მებაღეებისთვის, ასევე პროფესიონალი მეხილე-ფერმერებისთვის, სტუდენტებისა და აგრო-კონსულტანტებისთვის. ავტორებმა ნაშრომი მათ პედაგოგებს, მეხილეობის დარგის ქართველ მეცნიერებს, მიხეილ ვარძელაშვილს და შარდენ ახვლედიანს მიუძღვნეს. წიგნი ხელმისაწვდომი იქნება საქართველოს სამეცნიერო ბიბლიოთეკებსა და  აგრარული მიმართულების უნივერსიტეტებში, ციფრული ვერსია კი, სოფლის მეურნეობის სამეცნიერო-კვლევითი ცენტრის ვებგვერდზე განთავსდება.

ავტორი: NS (სტატია დაფინანსებულია),

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო