ეროვნული უშიშროების საბჭოს მდივნის ირინა იმერლიშვილის განცხადებით, საბჭოს სხდომის ჩატარებასთან დაკავშირებით, მუდმივი წევრები რამდენიმე დღით ადრე იყვნენ ინფორმირებული.

ამის შესახებ იმერლიშვილმა ჟურნალისტებს პრემიერ-მინისტრის უშიშროების საბჭოს სხდომაზე არ დასწრებასთან დაკავშირებით განუცხადა.

მისივე თქმით,  პრემიერ-მინისტრის გრაფიკს თავად არ ადგენენ.

„აგერ უკვე მესამე დღეა მთელი პრესა ამ თემაზე საუბრობს.შესაბამისად,რამდენიმე დღით ადრე ნამდვილად იყო შეტყობინება გაგზავნილი უშიშროების საბჭოს წევრებისთვის, მაგრამ პრემიერ-მინისტრის გრაფიკს ჩვენ არ ვადგენთ“ - განაცხადა ირინე იმერლიშვილმა.

იმერლიშვილის განმარტებით, სამხედრო ძალების რიცხოვნობის დამტკიცების თაობაზე, უშიშროების საბჭოს წევრების კვორუმი ორი მესამედითაა განსაზღვრული.

მისივე თქმით, მიუხედავად იმისა, რომ განხილულ საკითხებს ყველა დაეთანხმა, საბჭოს სხდომაზე მიღებულ გადაწყვეტილებას პარლამენტს მას შემდეგ გადაუგზავნიან, რაც დოკუმენტს ხელს საბჭოს რვა წევრი მოაწერს.

"სხდომა იყო 3 საკითხთან დაკავშირებით.საკმაოდ დიდხანს გაგრძელდა და დეტალურად განვიხილეთ საფრთხეების დოკუმენტი,გავიარეთ ყველა სცენარი,ხვალ უკვე უსაფრთხოებისა და კრიზისების საბჭოზე შევიკრიბებით უწყებათაშორისი კომისია, რომელმაც იმუშავა ამ საკითხზე და გავცემთ თანხმობას უშიშროების საბჭოს გავლის შემდეგ,რომ მთავრობაზე გადაიგზავნოს დასამტკიცებლად.მოგეხსენებათ,ამ დოკუმენტს მთავრობა ამტკიცებს და იგი საიდუმლოა. რაც შეეხება პროცედურულ საკითხებს,კვორუმი ნამდვილად განსაზღვრულია 2/3-ით სამხედრო ძალების დამტკიცების თაობაზე.აღნიშნულის თაობაზე ვახტანგ კაპანაძემ და თინა ხიდაშელმა გააკეთეს მოხსენება.რაოდენობა იქნება იგივე.გადაეგზავნება პარლამენტს გადაწყვეტილება,ოღონდ ეს გადაწყვეტილება ამ სხდომაზე არ იქნება მიღებული. ვინც დღეს ესწრებოდა,ყველანი დაეთანხმნენ,თუმცა მე,როგორც უშიშროების საბჭოს მდივანს, დამევალა ამ გადაწყვეტილების უკვე პროცედურულად გაფორმება.როცა 8 წევრი მოაწერს ხელს ამ გადაწყვეტილებას,მაშინ გადაეგზავნება პარლამენტს. დღეს არ განხილულა ბიუჯეტის პროექტი,შესაბამისად, ბიუჯეტის პროექტი 1-ელ ოქტომბრამდე იქნება მთავრობის მიერ გადაგზავნილი პარლამენტში თანდართულ დოკუმენტებთან ერთად",-განაცხადა ირინე იმერლიშვილმა.

შეგახსენებთ, დღეს პრეზიდენტის ადმინისტრაციაში ეროვნული უშიშროების საბჭოს სხდომა გაიმართა, რომელსაც პრემიერ-მინისტრი ირაკლი ღარიბაშვილი არ დასწერებია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”