დიდ დიღომში, „გუდვილის“ მიმდებარედ, ე.წ. ანბანის ინსტალაცია განახლდა, ხოლო მიმდებარე ტერიტორიაზე დასასვენებელი სივრცე მოეწყო.

კეთილმოწყობილი სივრცე დედაქალაქის მერმა კახა კალაძემ საბურთალოს რაიონის გამგებელ გაიოზ ვასაძესთან და თბილისის საკრებულოს მაჟორიტარ დეპუტატთან ავთანდილ ცინცაძესთან ერთად დაათვალიერა.

„აქ რამდენიმესართულიანი შენობა უნდა აშენებულიყო. კერძო პირს ჰქონდა ნაყიდი ტერიტორია, სადაც სკვერი უნდა ყოფილიყო და ფაქტობრივად, მშენებლობა დაწყებული იყო. შეიძლება ითქვას, რომ ბეწვზე მოვუსწარით. ადგილობრივ მოსახლეობას მივეცით პირობა, რომ ადგილმონაცვლეობას გავაკეთებდით და სკვერს განახლებულს, რეაბილიტირებულს დავუბრუნებდით. თქვენ ხედავთ, რამდენად კარგი პროექტია. ჩვენ დავპირდით მოსახლეობას, რომ სპორტული მოედნების, სკვერების და რეკრეაციული სივრცეების ხარჯზე არ და ვერ განხორციელდება მშენებლობები. ეს არის ძალიან პრინციპული. დიდ დიღომს კი კიდევ ერთი რეკრეაციული სივრცე შეემატა“,  - განაცხადა კახა კალაძემ.

ტერიტორია, სადაც სხვადასხვა ინფრასტრუქტურული სამუშაოები ჩატარდა, 3800 კვადრატულ მეტრ ფართობს მოიცავს. გარდა ანბანის რესტავრაციისა, მოეწყო ლედ განათების ქსელი, საფეხმავლო ბილიკები და სკამები, ასევე, ჩატარდა გამწვანების სამუშაოები.

პროექტი, საბურთალოს გამგეობის დაკვეთით, კომპანიამ „გრინსერვის+“ განახორციელა, რისთვისაც ბიუჯეტიდან 314 887 ლარი დაიხარჯა.

ავტორი: NS (სტატია დაფინანსებულია),

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო