თბილისის ურბანული ტყის ლანდშაფტი ბიომრავალფეროვნების განვითარების კარგ პირობებს ქმნის, თუმცა ამ ლანდშაფტების გვერდით, ანთროპოგენული ზეწოლის შედეგად, დასერილი ტერიტორია გვხვდება, - ამის შესახებ გეოგრაფიულ მეცნიერებათა დოქტორმა, გია სოფაძემ თბილისის ურბანული ტყის ლანდშაფტის აღდგენისა და რეკრეაციული ინფრასტრუქტურის განვითარების პროექტის შუალედური ანგარიშის პრეზენტაციაზე განაცხადა.

როგორც მან აღნიშნა, ჩატარდა ლანდშაფტურ-გეოფიზიკური კვლევები, რომელიც ლანდშაფტის ყველა კომპონენტს მოიცავდა.

„ჩვენი მიზანი იყო, ლანდშაფტის შესწავლა, რათა მათი მდგრადობა დაგვედგინა. ლანდშაფტის მდგრადობა განისაზღვრება უნარით, შეინარჩუნოს სტრუქტურა და ფუნქციონირება ნებისმიერი ანთროპოგენული დატვირთების მიმართ. ამ მიზნით, ჩავატარეთ ლანდშაფტურ-გეოფიზიკური კვლევები, რომელიც მოიცავდა ლანდშაფტის ყველა კომპონენტს, განსაკუთრებით, ნიადაგის ქიმიურ-ფიზიკური თვისებების შესწავლას. ასევე, ჩავატარეთ გარემოსდაცვითი კვლევები, რომლის მიხედვითაც, სენსიტიური ზონები გამოვყავით. ყველაზე მაღალი სენსიტიური ზონებისთვის ბუნებაზე დაფუძნებული მიდგომა გამოვიყენეთ, რომელიც ურბანული და ბუნებრივი გარემოს კავშირების შერბილების ევროპულ პრაქტიკას გულისხმობს“, - განაცხადა გია სოფაძემ.

გეოგრაფიულ მეცნიერებათა დოქტორმა კვლევაზე დაფუძნებული ხედვებიც წარმოადგინა, თუ როგორ მიიღწევა უბრანული ლანდშაფტის მრავალწლიანი მდგრადობა.

„იმისათვის, რომ ურბანული ლანდშაფტის მრავალწლიანი მდგრადობა მოხდეს, საჭიროა, ისტორიული ლანდშაფტის მცენარეების შენარჩუნება ან აღდგენა, ასევე, ლანდშაფტური სეზონური დინამიკის გათვალისწინება. ამ მიზნით, მიზანშეწონილი იქნება, თუ ტყის აღდგენისას გავითვალისწინებთ ქვე-ტყეს, ბუჩქნარ-ბალახოვანი საფარით“, - აღნიშნა გია სოფაძემ.

მთაწმინდის პარკში დღეს, საერთაშორისო საქველმოქმედო ფონდ „ქართუს“ დაფინანსებით მიმდინარე, თბილისის ურბანული ტყის ლანდშაფტის აღდგენისა და რეკრეაციული ინფრასტრუქტურის განვითარების პროექტის შუალედური ანგარიშის პრეზენტაცია გაიმართა.

ავტორი: NS (სტატია დაფინანსებულია),

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო