2015-09-18 21:56:08, 644 ნახვა
სამართალი
გიგი უგულავა განაჩენის გამოცხადებას არ დაესწრება
„თბილსერვისისა’ და რიყის ტერიტორიის უკანონოდ გასხვისების საქმეზე გიგი უგულავას და დავით კეზერაშვილის მიმართ მოსამართლემ განაჩენი 22:00 საათზე უნდა გამოაცხადოს. როგორც ცნობილი გახდა, ბრალდებული გიგი უგულავა განაჩენის გამოცხადებას არ დაესწრება.
„ნაციონალური მოძრაობის“ საერთაშორისო მდივანის გიგა ბოკერიას განცხადებით, გიგი უგულავა განაჩენის გამოცხადებას თბილისის საქალაქო სასამართლოს ეზოში შეკრებილ მხარდამჭერებთან დაელოდება.
ბოკერიას თქმით, სასამართლოს გადაწყვეტილება მმართველ პოლიტიკურ გუნდთან წინასწარაა შეთანხმებული. აქედან გამომდინარე, განაჩენის გამოცხადებას, პროტესტის ნიშნად არც ერთი მისი მხარდამჭერი არ დაესწრება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
