სასწრაფო დახმარების ექიმებს კორონავირუსზე ტესტი 72 საათში ერთხელ ჩაუტარდებათ

2020-10-12 11:38:51, 593 ნახვა

საზოგადოება

ჯანდაცვის მინისტრის, ეკატერინე ტიკარაძის განცხადებით, სასწრაფო დახმარების ექიმებს კორონავირუსზე ტესტირება ყოველ 72 საათში ჩაუტარდებათ.

მისი თქმით, აღნიშნული გადაწყვეტილება სამედიცინო პერსონალის დაცვასა და ინფექციის გავრცელების პრევენციას შეუწყობს ხელს.

„ჩვენ უფრო მეტად ვცდილობთ, რომ მიზნობრივი ტესტირების ჯგუფები გამოვავლინოთ და დღეის მდგომარეობით, ჩვენ მივიღეთ გადაწყვეტილება, რომ სასწრაფო დახმარების ექიმებში, რომლებიც არიან ყველაზე მჭიდრო კონტაქტში როგორც გამოვლენის პერიოდში, ასევე მანამ სანამ დადგინდება დიაგნოზი, მათთან მიმართებაში ტესტირება, რომელიც დღემდე ექიმების ჯგუფში ორ კვირაში ერთხელ ტარდებოდა, შევამცირებთ დროს და ყოველ 72 საათში მოხდება სასწრაფო გადაუდებელი ექიმების ტესტირება. ვთვლით, რომ ეს დაგვეხმარება სამედიცინო პერსონალის დაცვასა და შესაძლო ინფექციის გავრცელებაში“, - განაცხადა ტიკარაძემ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,