საერთაშორისო სტატუსის მქონე კომპანიებს საგადასახადო შეღავათები დაუწესდებათ

2020-10-08 11:15:58, 566 ნახვა

საზოგადოება

კომპანიებს, რომლებსაც საერთაშორისო კომპანიების სტატუსს მივანიჭებთ, მნიშვნელოვანი საგადასახადო შეღავათები დაუწესდებათ, – ამის შესახებ საქართველოს პრემიერ-მინისტრმა, გიორგი გახარიამ მთავრობის დღევანდელ სხდომაზე განაცხადა.

მისივე თქმით, აღნიშნულ კომპანიებს საშემოსავლო და მოგების გადასახადი 5%-მდე შეუმცირდებათ.

„კომპანიებს, რომლებსაც მივანიჭებთ საერთაშორისო კომპანიების სტატუსს დაუწესდეთ მნიშვნელოვანი საგადასახადო შეღავათები, ეს არის როგორც საშემოსავლო, ასევე მოგების გადასახადის შეღავათები, დაახლოებით ეს მცირდება 5%-მდე. ეს არის მნიშვნელოვანი იმიტომ, რომ პოსტპანდემიური ეკონომიკური აღდგენის პერიოდში გლობალური კონკურეცია იქნება უაღრესად მძაფრი და ვაძლევთ ქართულ კომპანიებს საშუალებას, მიიღონ საერთაშორისო კომპანიების სტატუსი“, - განაცხადა პრემიერმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან