გადაუწყვეტელი ამომრჩევლის 80% ოპოზიციურადაა განწყობილი და როგორც წესი, ხმას მისცემენ „ერთიან ნაციონალურ მოძრაობას“, - ასე ეხმაურება „ერთიანი ნაციონალური მოძრაობის“ ლიდერი გრიგოლ ვაშაძე IRI-ის მიერ გამოქვეყნებულ წინასაარცევნო კვლევის შედეგებს.

მისი თქმით, მოქალაქეთა ნაწილი ერიდება საკუთარი აზრის გამოხატვას, რადგან „ქართული ოცნების“ პირობებში დაშინებული არიან.

„გვაქვს პატივისცემა და სრული ნდობა შედეგებთან, მაგრამ არ დაგავიწყდეთ რაოდენობა როდესაც თქვენ ასახელებთ ოპოზიციური პარტიის რეიტინგს, არ დაგავიწყდეთ რაოდენობა იმ ადამიანებს, რომლებმაც უარი თქვეს პასუხზე ან არ გადაუწყვეტიათ ჯერ ვის მისცემენ ხმას. დარწმუნებული იყავით, რომ 80% არის ოპოზიციურად განწყობილი და როგორც წესი, ხმას მისცემენ „ერთიან ნაციონალურ მოძრაობას“. საქართველოს მოქალაქე ერიდება საკუთარი აზრის გამოხატვას, რადგან ე.წ. „ქართული ოცნების“ პირობებში არის უკიდურესად დაშინებული“, - განაცხადა გრიგოლ ვაშაძემ.

ცნობისთვის, საერთაშორისო რესპუბლიკური ინსტიტუტის (IRI) კვლევის შედეგების მიხედვით, კითხვაზე, ამ კვირას რომ არჩევნები ტარდებოდეს, საზოგადოების 36% ხმას „ქართულ ოცნებას“, 15% „ნაციონალურ მოძრაობას“, 4% კი, „ევროპული საქართველოს", დაუჭერს მხარს.

ავტორი: ექსპრესნიუსი,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს