პროკურატურა - ავტომობილზე, გასაღებზე, მობილურ ტელეფონსა და მეხსიერების ბარათზე არსებული დნმ-ი ეკუთვნის თამარ ბაჩალიაშვილს

2020-09-04 15:17:27, 2684 ნახვა

სამართალი

ავტომობილზე, გასაღებზე, მობილურ ტელეფონსა და მეხსიერების ბარათზე არსებული დნმ-ი ეკუთვნის თამარ ბაჩალიაშვილის, - ამის შესახებ პროკურატურაში განაცხადეს.

მათი ინფორმაციით, ბაჩალიაშვილის დნმ აღმოჩნდა ასევე მის ზურგჩანთაზე, მასში არსებულ საფულეებზე და გარდაცვლილის სხვადასხვა პირად ნივთებზე.

„ასევე, ბიოლოგიური (გენეტიკური, სეროლოგიური) ექსპერტიზის დასკვნის თანახმად, თამარ ბაჩალიაშვილის ავტომანქანაში, წინა მარცხენა კარის გარე სახელურზე, საჭეზე, ღვედის კბილანის ბერკეტის ზედაპირზე, სიჩქარის გადამრთველი კოლოფის სახელურის ზედაპირზე, მეტალის რგოლზე ასხმულ ორ ცალ მეტალის გასაღებსა და ფირფიტაზე, მობილურ ტელეფონზე, მეხსიერების ბარათზე - ე.წ. ფლეშკაზე, ზურგჩანთაზე, მასში არსებულ საფულეებზე და გარდაცვლილის სხვადასხვა პირად ნივთებზე არსებული ბიოლოგიური მასალის დნმ-ი (გენეტიკური პროფილი) ეკუთვნის თამარ ბაჩალიაშვილს", - განაცხადეს პროკურატურაში.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან