„ევროპული საქართველოს“ ერთ-ერთი ლიდერის, ოთარ კახიძის განცხადებით, მიხეილ სააკაშვილი არ არის ის ფიგურა, რომლის გარშემოც შესაძლებელია ფართო პოლიტიკური კონსენსუსი შედგეს.

კახიძე სააკაშვილის მიერ გავრცელებულ ვიდეომიმართვასაც გამოეხმაურა და აღნიშნა, რომ შეცდომები წინა ხელისუფლებას აქვს დაშვებული, რომელიც წინა ხელისუფლების შეცდომებთან შედარებით სრულად ასიმეტრიულია.

„მიხეილ სააკაშვილი არის ივანიშვილის მხრიდან პოლიტიკური დევნილი, რაც აქვს დადასტურებული პირდაპირ ინტერპოლის გენერალურ სამდვინოს, რომ მის წინააღმდეგ წარმოებული ბრალდებები შეთითხნილია. რაც შეეხება შეცდომებს, შეცდომები აქვს დაშვებული წინა ხელისუფლებას, მაგრამ ივანიშვილის შეცდომებთან და დანაშაულებთან მიმართებაში, ჩემი აზრით, აქ არის სრული ასიმეტრია. ამავე დროს, მინდა, ყველას ვუთხრა, თუ კი რაიმე მნიშვნელოვანი წინსვლა გვაქვს ჩვენ ქვეყანაში ბოლო 20 წლის მანძილზე, ეს უკავშირდება 2004-2012 წლების პერიოდს, ეს იყო უდიდესი წინ გადადგმული ნაბიჯი, თუმცა, რა თქმა უნდა, შეცდომები იყო დაშვებული, ოღონდ არა მიხეილ სააკაშვილის მხრიდან, არამედ წინა ხელისუფლების მიერ, მათ შორის ჩვენც ვიღებთ პასუხისმგებლობას იმ როგორც შეცდომებზე, ისე მიღწევებზე, ჩვენ გააზრებული გავაქვს წარსულის გამოცდილება. რაც შეეხება მიხეილ სააკაშვილს, რა აქვს გააზრებული, ეს უნდა კითხოთ მას და მე ამაზე პასუხს ვერ გაგცემთ“, - აღნიშნა ოთარ კახიძემ.

შეგახსენებთ, რომ საქართველოს ყოფილმა პრეზიდენტმა, მიხეილ სააკაშვილმა „ფეისბუქის“ საკუთარ გვერდზე ვიდეო გამოაქვეყნა, რომელშიც ის ქართველ ხალხს ბოდიშს უხდის და აცხადებს, რომ ბრუნდება.

ავტორი: ექსპრესნიუსი,

სოციალური ქსელები

კახა კალაძე ინტერ რაოს დასანქცირებაზე: თუ საჭირო აუცლებლობა იქნება რა თქმა უნდა, შესაბამის ნაბიჯებს გადავდგამთ

პროკურატურამ გიორგი ბარამიძის განცხადებასთან დაკავშირებით გამოძიება დაიწყო

Wine Square X Lunatic ერთმანეთის მხარდასაჭერად | მცირე ბიზნესის ჯაჭვი გრძელდება

ვალტონენი – ფინეთი მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას