ადამიანის უფლებებისა და კანონის უზენაესობის საკითხებში პროგრესის გარეშე, ევროკავშირსა და ბელარუსთან ურთიერთობა შეიძლება გაუარესდეს.

აღნიშნულის შესახებ განცხადებას ევროკავშირი ავრცელებს.

ევროკავშირი აკვირდება ბელარუსში განვითარებულ მოვლენებს და აღნიშნავს, რომ დააკვირდება ქვეყანაში ხელისუფლების მიერ განხორციელებულ ქმედებებს და ბელარუსთან ურთიერთობებს გადახედავს.

„ევროკავშირი მჭიდროდ აკვირდება საპრეზიდენტო არჩევნებამდე განვითარებულ მოვლენებს.

ბელარუსში აქციებზე სახელმწიფომ დემონსტრატების წინააღმდეგ მიუღებელი ძალადობრივი ღონისძიებები განახორციელა, ერთი ადამიანი გარდაიცვალა და ძალიან ბევრი დაშავდა, ათასობით ადამიანი დააკავეს, მათ შორის ჟურნალისტებიც.

ბელარუსიის მოქალაქეები უკეთესს იმსახურებენ.

2015 წლიდან პოლიტიკური პატიმრების გათავისუფლების შემდეგ ურთიერთობა ევროკავშირსა და ბელარუსს შორის გაუმჯობესდა, თუმცა ადამიანის უფლებებისა და კანონის უზენაესობის საკითხებში პროგრესის გარეშე, ევროკავშირსა და ბელარუსთან ურთიერთობა შეიძლება გაუარესდეს.

ჩვენ შევაფასებთ ბელარუსის ხელისუფლების ქმედებებს არსებული ვითარების მოსაგვარებლად. ევროკავშირი ბელარუსთან ურთიერთობებს გადახედავს.

ჩვენ მოვუწოდებთ ბელარუსის პოლიტიკურ ხელმძღვანელობას დაიწყოს დიალოგი ფართო საზოგადოებასთან, რათა შემდგომი ძალადობა თავიდან აიცილონ“, - ვკითხულობთ განცხადებაში.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს