პარტია „ჩვენი საქართველო სოლიდარობის ალიანსი“ შინაგან საქმეთა მინისტრის, ვახტანგ გომელაურის გადადგომას მოითხოვს.

ამის შესახებ დღეს გამართულ ბრიფინგზე პარტიის თავმჯდომარემ, ბექა ნაცვლიშვილმა განაცხადა.

მისი თქმით, გომელაური დაკავებულია წინასაარჩევნო კამპანიით და ახდენს პოლიციის პოლიტიზებას.

„პოლიტიკური გაკოტრების წინაშე მდგარი „ქართული ოცნება“ აგრძელებს „ნაციონალური მოძრაობის“ მავნე პრაქტიკას, როცა ის იყენებს შინაგან საქმეთა სამინისტროს თანამშრომლებს მისი ვიწროპარტიული საარჩევნო ინტერესებისთვის. ნაცვლად იმისა, რომ შინაგან საქმეთა სამინისტრო და მინისტრი დაკავებული იყოს დანაშაულის პრევენციისა და დანაშაულების სწრაფი გამოძიებით, რისი მომსწრენიც გავხდით ახლო წარსულში, ის დაკავებულია შინაგან საქმეთა სამინისტროს ჩართვით საარჩევნო პროცესში. ამას მოწმობს თუნდაც ბათუმის მაჟორიტარობის კანდიდატად კონცელიძის დასახელება აჭარაში, როგორც „ქართული ოცნების“ წარმომადგენლის. აჭარაში უკვე ხდება შინაგან საქმეთა სამინისტროს თანამშრომლების კონცენტრირება საარჩევნო პროცესის ირგვლივ, ამიტომ პარტია „ჩვენი საქართველო სოლიდარობის ალიანსი“ მოითხოვს შინაგან საქმეთა მინისტრის ვახტანგ გომელაურის გადადგომას, რადგან ის ვერ ართმევს თავის ფუნქციას, რომ უზრუნველყოს დანაშაულის პრევენცია და დანაშაულის სწრაფი გახსნა, არამედ დაკავებულია წინასაარჩევნო კამპანიით და ახდენს პოლიციის პოლიტიზებას“, - განაცხადა ბექა ნაცვლიშვილმა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს