ბოლნისის მუნიციპალიტეტის მაჟორიტარმა დეპუტატმა გოგი მეშველიანმა მოქალაქეებს, მედიისა და ადგილობრივი არასამთავრობო ორგანიზაციების წარმომადგენლებს საკარანტინო მდგომარეობის პერიოდში განხორციელებული ღონისძიებების შესახებ ანაგარიში წარუდგინა.

გოგი მეშველიანმა ბოლნისის მუნიციპალიტეტში, საკარანტინო მდგომარეობის პერიოდში, ცენტრალური და ადგილობრივი ხელისუფლების მიერ სხვადასხვა მიმართულებით განხორციელებულ ღონისძიებებზე დეტალურად ისაუბრა.

მაჟორიტარის ანგარიშს ბოლნისის მუნიციპალიტეტის მერი დავით შერაზადიშვილი და საკრებულოს თავმჯდომარე თამაზ ჟორჟოლიანი, ადგილობრივი ხელისუფლების სხვა წარმოამდგენლებთან ერთად დაესწრნენ.

ანგარიში გოგი მეშველიანმა ჯანდაცვის სამინისტროს რეკომენდაციების სრული დაცვით, ბოლნისის კულტურისა და დასვენების პარკში წარადგინა.

„ბოლნისის მუნიციპალიტეტში საკარანტინო მდგომარეობის გამოცხადების პირველი დღიდანვე ჩვენი მაჟორიტარი გოგი მეშველიანი აქტიურად ჩაერთო კორონავირუსის პრევენციისთვის განხორციელებულ ყველა ღონისძიებაში. ის, საგანგებო შტაბთან ერთად, ფაქტობრივად 24 საათი მუშაობდა, რათა თითოეულ ჩვენს მოქალაქეს თავი უსაფრთხოდ ეგრძნო. ჩვენმა მუნიციპალიტეტმა შეძლო, თოთოეული მოქალაქის საჭიროებებზე სწრაფი რეაგირება. კარანტინის პერიოდში მოსახლეობას საკვებით, მედიკამენტებითა და სხვადასხვა სერვისით უზრუნველვყოფდით. შეგვიძლია ვთქვათ, რომ მუნიციპალიტეტმა ამ გამოწვევას თავი წარმატებით გაართვა, ამ წარმატებაში კი, რა თქმა უნდა, უდიდესი წვლილი ბატონ გოგის მიუძღვის, რისთვისაც მას დიდ მადლობას ვუხდი. კოორდინაციულმა მუშაობამ კიდევ ერთხელ დაგვარწმუნა, თუ რა დიდი მნიშვნელობა აქვს პანდემიისა და საგანგებო სიტუაციებისას ერთიანობას. მოხარული ვარ, რომ ჩვენ კარანტინი მუნიციპალიტეტში გართულებების გარეშე დავასრულეთ“, - განაცხადა ბოლნისის მუნიციპალიტეტის მერმა დავით შერაზადიშვილმა.

ავტორი: NS (სტატია დაფინანსებულია),

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”