ფოთში უნიკალური სპორტული სარბიელი-ევროსტანდარტებით მოწყობილი სარაგბო ბაზა- ,,პარკი-არენა’’ გაიხსნა.
როგორც „ექსპრესნიუსს“  ფოთის მუნიციპალიტეტის გამგეობიდან აცნობეს, ახალი სარაგბო ბაზა ოფიციალურად საქართველოს სპორტისა და ახალგაზრდულ საქმეთა მინისტრმა ტარიელ ხეჩიკაშვილმა გახსნა.

 გახსნის ცერემონიას სამეგრელო-ზემო სვანეთის მხარის გუბერნატორი ლევან შონია, ფოთის მუნიციპალიტეტის მერი ირაკლი კაკულია, ფოთის საკრებულოს თავმჯდომარე ალექსანდრე თოფურია, ,,ქართუ-ჯგუფის’’ აღმასრულებელი დირექტორი გიორგი ლილუაშვილი, საქართველოს რაგბის კავშირის პრეზიდენტი გია ნიჟარაძე და ადგილობრივი ხელისუფლების წარმომადგენლები დაესწრნენ. 
მათივე ინფორმაციით, ,,პარკი-არენას’’ საზეიმო გახსნისას მინისტრმა მადლობა გადაუხადა შესანიშნავი სარაგბო კომპლექსის მშენებლობის ინიციატორებსა და ორგანიზატორებს, ფოთის სარაგბო კლუბის მწვრთნელებსა და სპორტსმენებს, განსაკუთრებით ფონდ ,,ქართუს’’ დიდი მხარდაჭერისათვის.
ფოთის სარაგბო ბაზაზე განთავსებულია 2 სათამაშო მოედანი. ბუნებრივსაფარიანი მოედანი 2500 მაყურებელზეა გათვლილი , ხოლო მეორე- ხელოვნურსაფარიანი მოედანი 500 მაყურებელს იტევს. კომპლექსი აღჭურვილია საკონფერენციო, სატრენაჟორო დარბაზებით, დასასვენებელი ოთახებით, VIP, PRESS და მატჩის კომისრის ლოჟებით, სამედიცინო და დოპინგ-კონტროლის კაბინეტებით.
,,პარკი-არენა’’ 2 ჰექტარ ტერიტორიას მოიცავს. ფოთის სარაგბო ბაზა საქველმოქმედო ფონდ ,,ქართუს’’ დაფინანსებით, ასოციაცია ,,ატუმ’’ ააშენა და მოაწყო, რისთვისაც 6 მილიონი ლარი დაიხარჯა.
,,პარკი-არენას’’ საზეიმო გახსნა ფოთელმა და თბილისელმა მორაგბეებმა ამხანაგური მატჩით აღნიშნეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”