დღევანდელი გადაწყვეტილება დემოკრატიული განვითარებისკენ გადადგმული კიდევ ერთი მნიშვნელოვანი ნაბიჯია, - ასე გამოეხმაურა პარლამენტის თავმჯდომარე არჩილ თალაკვაძე საკონსტიტუციო ცვლილებების დამტკიცებას.

მისი თქმით, დღევანდელი გადაწყვეტილებით საქართველომ პარტნიორებს კიდევ ერთხელ უჩვენა, რომ მზადაა გააძლიეროს თავისი დემოკრატია და 2020 წლის ოქტომბერში ჩაატაროს გამჭვირვალე არჩევნები.

„მივიღეთ ეროვნულ ინტერესებზე დაფუძნებული, ევროპული კონსტიტუცია და სრულად პროპორციულ საარჩევნო სისტემაზე გადასვლის გადაწყვეტილებაც, რომელიც უკვე ჩაწერილია საქართველოს კონსტიტუციაში. დღევანდელი გადაწყვეტილება, რომელიც პარლამენტის წევრებმა კენჭისყრაზე დაადასტურეს, არის დემოკრატიული განვითარების და ჩვენ მიერ აღებული დემოკრატიული ვალდებულებების შესრულებისკენ გადადგმული კიდევ ერთი მნიშვნელოვანი ნაბიჯი. დღევანდელი გადაწყვეტილებით საქართველომ პარტნიორებს კიდევ ერთხელ უჩვენა, რომ მზადაა გააძლიეროს თავისი დემოკრატია და 2020 წლის ოქტომბერში ჩაატაროს გამჭვირვალე, დემოკრატიული და თავისუფალი არჩევნები“, - განაცხადა არჩილ თალაკვაძემ.

შეგახსენებთ, რომ პარლამენტმა საკონსტიტუციო ცვლილებები მესამე მოსმენით საბოლოოდ დაამტკიცა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს