მე და ჩემმა კოლეგებმა ხელისუფლებას და ოპოზიციას საკონსტიტუციო ცვლილებების ჩაგდების საშუალება არ დავუტოვეთ, - ამის შესახებ დამოუკიდებელმა დეპუტატმა თამარ ჩუგოშვილმა ჟურნალისტებს განუცხადა.

როგორც მან აღნიშნა, პარლამენტში არსებობს იმის რესურსი, რომ საკონსტიტუციო ცვლილებების მიღება „ევროპული საქართველოს“ და „ნაციონალური მოძრაობის“ გარეშეც მოხდება.

„დღევანდელი კენჭისყრა იყო ძალიან სარისკო, რადგან ოპოზიციის დიდი ნაწილი არ მონაწილეობდა ამ კენჭისყრაში. ჩემი აზრით, არასწორად არ მონაწილეობდა. მე ძალიან ბევრჯერ მაქვს ნათქვამი, რომ მათ ჰქონდათ პასუხისმგებლობა, რომ ამ კენჭისყრებში მიეღოთ მონაწილეობა და მათზე დაკისრებული პასუხისმგებლობა ამ ცვლილების მხარდაჭერის კუთხით მოეყვანათ სისრულეში. შეთანხმების თავისი ნაწილი უნდა შეესრულებინათ. მიუხედავად ამისა, ჩვენ მოვახერხეთ, რომ ეს ცვლილებები მიგვეღო და ეს არის ძალიან მნიშვნელოვანი. რა თქმა უნდა, ძალიან მიხარია და მაქვს განცდა შესაბამისად, რომ მესამე მოსმენაზეც გავა უკვე და აღარანაირი საფრთხე არ უნდა დაემუქროს, ვინაიდან გამოჩნდა უკვე, რომ „ევროპული საქართველოს“ და „ნაციონალური მოძრაობის“ გარეშეც იცვლება ეს სისტემა და ამის რესურსი არსებობს საქართველოს პარლამენტში. ჩვენ, მეც და კოლეგებმაც არც ხელისუფლებას და არც ოპოზიციას საშუალება, რომ ხან ერთს ჰქონდა მცდელობა ჩაგდების, ხან მეორეს და ვფიქრობ, რომ ამ ჩაგდების საშუალება არ დავუტოვეთ. ქვეყნისთვის არის კარგი, რომ შემდეგი მოწვევა გვქონდეს უფრო დაბალანსებული“, - განაცხადა თამარ ჩუგოშვილმა.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს