„ვინც დღეს ამბობს, რომ მხარს არ უჭერ საკონსტიტუციო ცვლილებას, ის „ნაციონალური მოძრაობის“ თამაშს თამაშობს, - ამის შესახებ პარლამენტის თავმჯდომარის პირველმა მოადგილემ გია ვოლსკიმ „პოსტივი“-ს ეთერში განაცხადა.

როგორც ვოლსკიმ აღნიშნა, ზოგიერთი დეპუტატის პოზიცია მისთვის აუხსნელია.

ჩემთვის აუხსნელია მაგალითად ერქვანიას პოზიცია. ის ამბობს, რომ საკონსტიტუციო ცვლილებების საკითხი ამერიკელებთან გადაწყდა სადილზე და ამიტომ მხარს არ დაუჭერს მას.  ნუთუ ეს მყარი მიზეზია იმისა, რომ ნაციონალების წისქვილზე დაასხა წყალი.  სხვებზე არ ვლაპარაკობ, მესმის რაც არის. როდესაც კვიციანი ამბობს, რომ მხარს იმიტომ არ უჭერს საარჩევნო რეფორმას, რომ სურს მთელი საქართველო დაავალდებულოს  საარჩევნო ყუთთან მივიდეს, გაუგებარია. რატომ აკავშირებს ის ამ ორ საკითხს. ესეც  არის ის, რომ „ნაცმოძრაობის“ თამაში ითამაშო“, - განაცხადა გია ვოლსკიმ.

მისი თქმით, ოპოზიციის რიტორიკა მათი ცუდი საარჩევნო პერსპექტივითაა გამოწვეული.

„ოპოზიციისთვის  არჩევნების პერსპექტივა ძალიან ცუდად გამოიყურება, ჩვენ გვეუბნებიან, რომ თითქოს გვინდა არჩევნების გადადება, სინამდვილეში თვითონ უნდათ, უნდათ რომ უფრო დამძიმდეს ვითარება, ნეგატივი უნდათ, უნდათ საავადმყოფოები გადაივსოს“, განაცხადა გია ვოლსკიმ.​

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს