გადაუღებელი წვიმების გამო,ფოთში ქუჩები და ეზოები დაიტბორა, ზოგიერთ საცხოვრებელ სახლსა და კორპუსში სახურავებს პრობლემა შეექმნა.

ფოთის გამგეობის მუნიციპალიტეტის ინფორმაციით,   ფოთის მუნიციპალიტეტის მერმა ირაკლი კაკულიამ რამდენიმე დატბორილი ქუჩა, საცხოვრებელი სახლი და ეზო მოინახულა, პრობლემის ირგვლივ მოსახლეობას შეხვდა და ესაუბრა.

 ქალაქის მერის თქმით, უხვი ნალექი ფოთისათვის უცხო არ არის, მაგრამ წყალმოვარდნები სერიოზული სირთულეების წინაშე აყენებს ქალაქს.

„სამწუხაროა, რომ მოსახლეობა ზარალდება. ქალაქში წყალგამტარი კომუნიკაციები ისე უნდა მუშაობდეს, რომ ხშირი წვიმების დროს ექსტრემალური სიტუაციები თავიდან იქნეს აცილებული. ამ ეტაპზე მოქმედი შვიდი სატუმბი სადგური არ არის საკმარისი, ამიტომ მომავალი წლიდან გადაწყვეტილია, მუნიციპალური განვითარების ფონდის მხარდაჭერით, სატუმბი სადგურებისა და წყალგამშვები კომუნიკაციების გაფართოება- რეაბილიტაცია, რაც ფორსმაჟორულ ვითარებას დაარეგულირებს“,-განაცხადა ირაკლი კაკულიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”