ქართული სენი გახდა, რომ გამოძიების დეტალებზე შეკითხვებს პოლიტიკოსებს უსვამენ, - ამის შესახებ საპარლამეტო უმრავლესობის ლიდერმა მამუკა მდინარაძემ განაცხადა.

აღნიშნული კომენტარი მდინარაძემ მას შემდეგ გააკეთა, რაც თურქეთის სრულუფლებიან ელჩს საქართველოში, იგორ დოლგოვს ჟურნლაისტებმა გაბუნიას ლიკვიდაციის საქმეზე კითხვა დაუსვეს. ჟურნალისტებს ელჩმა უპასუხა, რომ გამოძიეიბს შესახებ დეტალებს არ ფლობს.

„ამ თემას ჩვენ არ შევხებივართ. როგორც ჩანს, ამის შესახებ მას დეტალური ინფორმაცია არ ჰქონდა ელჩს და ეს აბსოლუტურად ბუნებრივია. მივეჩვიეთ, რომ საქართველოში პოლიტიკოსებს გვისვამთ შეკითხვებს, რაზე პასუხიც საგამოძიებო ორგანოს წარმომადგენელსაც გაუჭირდება, თუ უშუალოდ არ არის საქმის გამოძიებაში ჩართული. ეს ქართული სენი გახდა, რომ გამოძიების დეტალებზე შეკითხვებს პოლიტიკოსებს უსვამენ და ხშირად არსებობენ პოლიტიკოსები, რომლებიც ამ კითხვებზე დეტალურ ვერსიებს განიხილავენ ხოლმე“, - განაცხადა მამუკა მდინარაძემ.

შეგახსენებთ, რომ ტელეკომპანია „მთავარის“ გენერალურმა დირექტორმა, ნიკა გვარამიამ გუშინ გაასაჯაროვა ინფორმაცია, რომლის მიხედვითაც რუსეთის მოქალაქე, ვასამბეკ ბოკოვი ჟურნალისტ გიორგი გაბუნიას ლიკვიდაციას გეგმავდა. მოგვიანებით სუს-მა ფაქტი დაადასტურა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს

BOG-ის მობილბანკის მორიგი განახლება - ახალი შესაძლებლობები მომხმარებლებისთვის

რუსთაველზე ამობრუნებულ თვითმცლელში ბავშვი იმყოფებოდა - მიმდინარეობს მოკვლევა