ჩვენი საზღვრები დაუცველია და უპრობლემოდ გადაადგილდებიან რუსეთის ჯაშუშები, - ასე გამოეხმაურა „ევროპული საქართველოს“ წევრი სერგო რატიანი ტელეკომპანია „მთავარის“ ჟურნალისტის, გიორგი გაბუნიას ლიკვიდაციის საკითხს.

მისი თქმით, არსებობს ბევრი შემთხვევა, როდესაც კადიროვი ასრულებს პუტინის დავალებას.

„ჩვენი საზღვრები არის დაუცველი და საქართველოში ფაქტობრივად, გადაადგილდებიან ადამიანები, რუსეთის ჯაშუშები და მათ არ აქვთ არანაირი პრობლემა. ჩვენ ვხედავთ, რომ ეს არის რუსეთის ფედერაციიდან დაკვეთა. ბევრი შემთხვევა არის, როდესაც რეალურად კადიროვი ასრულებს პუტინის დავალებას. ჩვენ იმედი გვაქვს, რომ გამოძიება მივა ბოლომდე და არ იქნება ისე, როგორც ბევრ შემთხვევაში იყო, როდესაც დამნაშავეების საქმე არ არის ობიექტურად ნაჩვენები საზოგადოებისთვის და შემდეგ ხდება მათი განთავისუფლება“, - განაცხადა სერგო რატიანმა.

შეგახსენებთ, რომ ტელეკომპანია „მთავარის“ გენერალურმა დირექტორმა, ნიკა გვარამიამ გუშინ გაასაჯაროვა ინფორმაცია, რომ რუსეთის მოქალაქე, ვასამბეკ ბოკოვი ჟურნალისტ გიორგი გაბუნიას ლიკვიდაციას გეგმავდა.

ავტორი: ექსპრესნიუსი,

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა