დავიბარებთ უკრაინის ელჩს და მოვთხოვთ განმარტებებს - ასე გამოეხმაურა საგარეო საქმეთა მინისტრი, დავით ზალკალიანი საქართველოს ექს-პრეზიდენტის, მიხეილ სააკაშვილის განცხადებას .

როგორც მან აღნიშნა, სააკაშვილის გუშინდელი განცხადება უკრაინის მოქალაქის მხრიდან სხვა ქვეყნის, სტრატეგიული პარტნიორის საქმეებსა და საარჩევნო პროცესში პირდაპირი ჩარევაა.

„სწორედ ამის გამო გამოვიწვიეთ ელჩი კონსულტაციებზე და ამის შესახებ ვაფრთხილებდით უკრაინელ კოლეგებს, რომ ეს ძებნილი ადამიანი, რომელიც ინიშნება მაღალ თანამდებობაზე, გააგრძელებდა ჩვენს შიდა პოლიტიკაში ჩარევას. სწორედ იქიდან გამომდინარე, რომ ჩვენი სტრატეგიული პარტნიორობა ამას არ ითვალისწინებს, ჩვენ გამოვთქვით წუხილი და გადავდგით შესაბამისი ნაბიჯები. სააკაშვილის ეს განცხადება, რომელიც გუშინ მოვისმინეთ, არის უკრაინის მოქალაქის მხრიდან პირდაპირი ჩარევა სხვა ქვეყნის, სტრატეგიული პარტნიორის საქმეებსა და პირდაპირ საარჩევნო პროცესში. ამ თემაზე ჩვენ დავიბარებთ უკრაინის ელჩს და მოვთხოვთ განმარტებებს“, - განაცხადა დავით ზალკალიანმა.

შეგახსენებთ, რომ საქართველოს ყოფილი პრეზიდენტი, უკრაინის რეფორმების ეროვნული საბჭოს აღმასრულებელი კომიტეტის ხელმძღვანელი მიხეილ სააკაშვილი აცხადებს, რომ არ აპირებს მშვიდად უყუროს საქართველოს განადგურებას და ივანიშვილის წინააღმდეგ ბრძოლის წინა ხაზზე იქნება.

ავტორი: ექსპრესნიუსი,

სოციალური ქსელები

WP: ტრამპმა რესპუბლიკელ დონორებს უთხრა, რომ ვენსი მის მემკვიდრედ სურს

ლაიფციგში დრონის ინციდენტი: უკრაინულ თვითმფრინავს საბრძოლო მასალა გადაჰქონდა

აშშ-ის ფედერალური გამოძიების ბიუროს დირექტორი ჩინეთთან და რუსეთთან უპრეცედენტო კავშირებს ამყარებს

პროკურატურა - სანიტარს, რომელმაც ახალშობილი შვილი მოკლა, 4 წლით პატიმრობა მიესაჯა