„ძალიან გულდასაწყვეტია, რომ ზოგიერთი შეკითხვა, რომელსაც ასე თუ ისე, საქმიანი ხასიათი აქვს, შეფუთულია პოლიტიკური სპეკულაციით და შეურაცხმყოფელიც არის, განსაკუთრებით, იმ პოლიტიკური ძალისგან, რომელზეც სტრასბურგიდან 55 საქმეა ჩამოსული, რომელიც ადასტურებს წამებას და არაადამიანურ მოპყრობას და რა თანხაზეა საუბარი, რომელიც უნდა სახელმწიფომ დღეს გადაიხადოს იმ სისხლიანი დანაშაულებებისთვის, რაც ამ პოლიტიკურმა ძალამ ჩაიდინა", - ამ კითხვით საქართველოს პრემიერ-მინისტრს პარლამენტის თავმჯდომარის პირველმა მოადგილემ, გია ვოლსკიმ მიმართა.

გია ვოლსკი, ასევე, დაინტერესდა, რა ღონისძიებებით შეხვდება საქართველო წინასაარჩევნოდ კორონავირუსის შესაძლო მეორე ტალღას და რა გამოცდილება მიიღო ამ პერიოდში ჩვენმა ქვეყანამ.

„არჩევნების პერიოდს უწევს გამოცხადებული შესაძლო მეორე ტალღა და წინასაარჩევნო პერიოდი. ასევე, როგორც ოქტომბრის პერიოდი, უნდა დაიგეგმოს, განსაკუთრებული ღონისძიებები უნდა ჩამოყალიბდეს, რომ ეს სერიოზული გამოცდა პოლიტიკურ სფეროში წარმატებით გადავლახოთ. აქ იყო კიდევ შეკითხვა, თუ როგორ გავართმევთ დამკვირვებლების დიდი რაოდენობის ჩამოსვლას. მესამე შეკითხვა არის გამოცდილებასთან დაკავშირებით - რა გამოცდილებით მივდივართ, რა სისუსტეები გვიჩვენა ამ პერიოდმა, რომელიც შემოდგომაზე უნდა გავითვალისწინოთ და თუ გვქონდა ასეთი გამოცდილება გასული პერიოდიდან, 2005-დან ან 2008 წლებიდან, რა დაგვიტოვა იმ პერიოდის მთავრობის საქმიანობის გამოცდილებამ", - მიმართა პარლამენტის თავმჯდომარის პირველმა მოადგილემ პრემიერ-მინისტრს.​

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე