გიორგი გახარია არის ჯალათი, „ქართული ოცნების“ მმართველობის ყველაზე სისხლიანი შემოქმედი და რაც არ უნდა ეცადოთ, ამოეფაროთ თეთრ ხალათს და მიიწეროთ ქულები, თქვენ სისხლიან ხელებს ვერ დამალავთ, - ასე მიმართა „ენმ"-ს წევრმა, თინა ბოკუჩავამ პრემიერ-მინისტრ გიორგი გახარიას.

ბოკუჩავამ აღნიშნა, რომ კორონავირუსის პირველი შემთხვევიდან 3 თვის გასვლის მიუხედავად, საქართველოს არც ერთ მოქალაქეს არ მიუღია დახმარება სახელმწიფოსგან.

„ბატონო გახარია. კორონავირუსის პირველი შემთხვევიდან გავიდა ზუსტად 3 თვე და დღემდე, საქართველოს არც ერთ მოქალაქეს 1 თეთრის დახმარებაც კი არ მიუღია. ეს არის ფუნდამენტური კითხვა, რომელსაც თქვენ უნდა უპასუხოთ. იცით, რომ მოსახლეობის მხოლოდ 5% შეხვდა დანაზოგით. რატომ გათვალეთ თქვენი ანტიკრიზისული გეგმა მოსახლეობის 10%-ზე, მაშინ როდესაც 90% და უდიდესი ნაწილი სიღარიბეშია. რატომ თქვით უარი ჩვენს შემოთავაზებაზე, რომ 5000-მდე ჩვენი თანამოქალაქე დაბრუნებულიყო სამშბლოში სრულიად უფასოდ. ნორმალურად მიგაჩნიათ, რომ ასეთი კრიზის დროს ღარიბაშვილი 100 ათასობით ლარს ძვირადღირებულ საათებში ხარჯავს. გომელაური 2 მილიონ ლარზე მეტს ავეჯში, კორუმპირებული კალაძე გადათხრილი გზების თავიდან გათხრაში ხარჯავს 600 000 ლარს. გასაგებია, რომ დღეს აქ პერსონალურად ცდილობთ პოლიტიკური ქულები ჩაიწეროთ ექიმების ხარჯზე, რომლებიც ხშირად ხელფასსაც ვერ იღებენ. თავმომწონეთ პოზირებთ, თითქოს დაგვავიწყდა, რომ თქვენთვის ადამიანის სიცოცხლეს და ჯანმრთელობას ჩალის ფასი აქვს და თქვენი მოტიკტოკე ბატონის გადასარჩენად მზად ხართ, ადამიანებს ტყვიები სახეში დაუშინოთ. გიორგი გახარია არის ჯალათი, „ქართული ოცნების“ მმართველობის ყველაზე სისხლიანი შემოქმედი და რაც არ უნდა ეცადოთ, ამოეფაროთ თეთრ ხალათს და მიიწეროთ ქულები, თქვენ სისხლიან ხელებს ვერ დამალავთ“, - განაცხადა თინა ბოკუჩავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე