„ძალიან ვწუხვართ, რომ მინისტრის სიტყვებმა გამოიწვია გაუგებრობა და გახდა პოლიტიკური მანიპულაციის მიზეზი“, - ამის შესახებ სომხეთის ჯანდაცვის მინისტრის პრესსპიკერმა, ალინა ნიკოგოსიანმა „ჯი-ეიჩ-ენთან“ განაცხადა.

ნიკოგოსიანის თქმით, ისინი აფასებენ პანდემიის წინააღმდეგ ბრძოლაში ქართველი სკოლეგების მხარდაჭერას.

 „დიდად ვაფასებთ პანდემიის მუდმივ გამოწვევებთან ბრძოლის საქმეში ჩვენს ქართველ კოლეგებთან მჭიდრო თანამშრომლობას. ჩვენს ურთიერთობაში ჭარბობს თანამშრომლობა და არ არის საჭირო ხელოვნური კონკურენციის ნოტების შეტანა. სწორედ ამ ლოგიკის მიხედვით ჩვენ ვაყალიბებთ და გავაგრძელებთ ურთიერთობის განვითარებას ამ სფეროში. ძალიან ვწუხვართ, რომ მინისტრის სიტყვებმა გამოიწვია გაუგებრობა და გახდნენ პოლიტიკური მანიპულაციის მიზეზი. ყველა ქვეყანა, პანდემიასთან ბრძოლაში ეყრდნობა გარკვეულ მექანიზმებს, რომლებიც ჩანერგილია ეროვნულ დონეზე. ამ მექანიზმების მიზეზი მდგომარეობს ცალკეული სიტუაციების თავისებურებანის გათვალისწინებით დასახული ამოცანების მაქსიმალურად ეფექტურ ამოხსნაში. ჩვენს ქართველ კოლეგებს ვუსურვებთ თანმინდევრულ წარმატებას პანდემიასთან ბრძოლის საქმეში“, - განაცხადა „ჯი-ეიჩ-ენთან“ ალინა  ნიკოგოსიანმა.

შეგახსენებთ, რომ რამდენიმე დღის წინ სომხეთის ჯანდაცვის მინისტრმა, არსენ ტოროსიანმა საქართველოში კორონავირუსის დადასტურებული შემთხვევების რაოდენობა ეჭქვეშ დააყენა. საპასუხოდ, თბილისის ინფექციური საავადმყოფოს დირექტორმა, თენგიზ ცერცვაძემ ჯანდაცვის მინისტრს ბოდიშის მოხდისკენ მოუწოდა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს