საქართველოში ღამის 12:00 საათიდან საგანგებო მდგომარეობა და კომენდანტის საათი გაუქმდა. - მოქალაქეებისთვის დასაშვებია ფეხით და ავტომობილით გადაადგილება.

პრემიერ-მინისტრის პრესსპიერმა და ირაკლი ჩიქოვანმა დღეს, საგანგებო ბრიფინგზე კიდევ ერთხელ განმარტა, თუ რა შეზღუდვები დარჩება ქვეყანაში ძალაში.

"დღეს 23 საათიდან საგანგებო მდგომარეობა გაუქმდა. საქართველოს პარლამენტმა მიიღო კანონში ცვლილებები, რომლის შესაბამისად, დარეგულირდება ყველა შეზღუდვა, რომელიც იმოქმედებს 15 ივლისამდე. დღეიდან, საჯარო სივრცეებში სავალდებულო იქნება პირბადეების ტარება. საკარანტინო რეჟმი გაუქმებულია ბოლნისში, თუმცა რჩება სოფლებშ- მუშევანსა და გეტაში. ასევე, თეთრაწყაროს მუნიციპალიტეტში. 

ამასთან, უქმდება სამკაციანი შეზღუდვა, თუმცა ეს არ შეეხება ტაქსებს. უქმდება შეზღუდვა სახლიდან გასვლის შესახებ 70 და მეტი ასაკის ადამიანებისთვის. თუმცა, რეკომენდაციაა ისინი უკიდურესი აუცილებლობის გარდა არ გავიდნენ სახლიდან.

23 მაისის შემდეგ, ძალაშია - რესტორანში, ბარებში და კაფეებში ადგილზე მომსახურება. შეზღუდულია სასტუმროების მომსახურება, გარდა საკარანტინო სივრცეებისა.  ტანსაცმელის, ფეხსაცმელის მაღაზიებისა  და მოლების ფუნქციონირება. სპორტული და კულტურული ობიექტების ფუნქციონირება. სახელმწიფო სერვისები კვლავაც დისტანციურად განხორციელდება.

ამ ეტაპზე, შეზღუდვები საზოგადოებრივ ტრანსპორტზე შენარჩუნდება. რაც შეეხება  შეზღყდვების ეტაპობრივ მოხსნას ამაზე საკოორდინაციო საბჭო იმსჯელებს და მიიღებს გადაწყვეტილებებს ეპიდემიოლოგიური ვითარების შესაბამისად,"- აღნიშნა ირაკლი ჩიქოვანმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა